Albistea entzun

Begitaziotik harago

Realak, Mestallan irabazi, eta Europako postuetan sartzea du gaur xede. Imanolen iritziz, Valentziak jokatzen du «ondoen» kontraerasoan
Mikel Oiartzabal, jaurtitzen, Valentziaren aurkako Anoetako lehian.
Mikel Oiartzabal, jaurtitzen, Valentziaren aurkako Anoetako lehian. J. HERRERO / EFE Tamaina handiagoan ikusi

Jon Ander De la Hoz -

2019ko otsailak 10

Arre edo iso egiteko neurketa du gaur Realak, Valentziaren aurka, Mestallan. Europako ateetan da beste behin talde txuri-urdina, baina lehen baino determinazio handiagoz ari da orain. Boladari eutsi eta urte hasiera ona berretsiko du etxeko taldeari irabazten badio.

Sailkapenaren arabera, Realaren pareko taldea da Valentzia: 30 puntu ditu bakoitzak, bosgarren sailkatuak baino bost gutxiago. Alabaina, Espainiako Kopako finalerdietako joanekoa jokatu zuen ostegunean, eta Europa ligakoa jokatuko dute datorrenean. Hori horrela, goiko postuek begitazio soil izateari utzi eta jauzia emateko aukera erreala dute donostiarrek.

Apika-apika, Europa ligarako sailkatzea helburu dutela aitortzen hasi dira asteon txuri-urdinen zenbait jokalari, baina Imanol Alguacil entrenatzaileak ez du halakorik entzun nahi, oraingoz: «Irabazteko ilusioarekin goaz, hortik aurrerakoan pentsatu ere egin gabe».

Hala, kanpaiak garaiz aurretik jotzearen aurka mintzatu da prestatzaile oriotarra, bai baitaki talde «ona» duela Valentziak: «Goian estutzen duen taldea da, eta, atzera egiten duenean, jokalari guztiak elkarrengandik gertu dituela egiten du, kontraerasora joateko. Bikain egiten du hori; halakoak ondoen interpretatzen dituen taldea da».

Imanolek partida «zaila» espero du, Valentziak gora egin baitu azken asteetan: «Duela bi hilabete ez zeuden espero zuten egoeran, eta une zailak igaro zituzten». Txuri-urdinen entrenatzaileak azaldu du gaurko aurkaria «bere onena ematen ari dela, benetako ahalmenetik gertu» dagoela.

Nolanahi ere, Imanol «alai, lasai, konfiantzaz eta ziur» dago Realaren aukerez. Ez da gutxiagorako; azken 15 puntuetatik 11 bildu dituzte donostiarrek, nahiz eta oriotarrak garrantzi askorik ez eman: «Zenbaki horiek edozein unetan alda daitezke, baina, lanean horrela jarraituz, jokalariek estutzen segituz, gertuago egongo gara zenbakiak mantendu eta gora begira segitzetik».

Deialdiari dagokionez, ez daude jokalarien zerrendan ez Aritz Elustondo, ez David Zurutuza: min hartuta daude biak ala biak. Aldiz, Ruben Pardo jokatzeko moduan da, hilabete min hartuta egon ondoren.

VALENTZIA-REALA

Valentzia. Neto; Piccini, Roncaglia, Garay, Gaya; Wass, Parejo,

Kondogbia, Txerixev; Rodrigo eta Gameiro.

Reala. Rulli; Zaldua, Diego Llorente, Navas, Theo; Illarramendi, Zubeldia, Merino; Januzaj, Willian Jose eta Oiartzabal.

Epailea. Melero Lopez.

Lekua. Mestalla (55.000 ikusle).

Ordua. 16:15 (Bein La Liga).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Aleix Garcia, jota, atzo, partida amaieran Cadizen aurka galdu berritan. ©ROMAN RIOS / EFE

Betiko istorio berbera

Iñigo Lasa

Eibarrek galdu egin du Cadizen, eta jaisteko postuetan amaituko du jardunaldia. Marko Dmitrovicek penalti bat huts egin du, eibartarrak galtzen ari zirela

Tesoriere eta Bonanno, Ademarreko Suarezekin lehian, atzo, Madrilen, Espainiako Kopako finalerdietan. ©J. J. GUILLEN / EFE

Bakeak egin gabe doa

Julen Etxeberria

Bidasoak galdu egin du Ademarren aurka, Espainiako Kopako finalerdietan. Irundarrek garesti ordaindu dituzte gorabeherak

Nadia Colhado, Celeste Trahan-Davisen ahalegina oztopatu nahian, atzo, Valentzian. ©MIGUEL ANGEL POLO / EFE

Ahalegina bai, baina ez aski

Mikel O. Iribar

Gernikak Valentziaren aurka galdu du, eta Espainiako Kopako finaletik kanpo geratu da. Nekeak nabarmen baldintzatu du

Miramon eta Merino, lehian, lehen itzulian, Valentzian. ©JUAN CARLOS CARDENAS / EFE

Gora begira daude biak

Jon Ander De la Hoz

Reala eta Levante Anoetan ariko dira gaur. Bi taldeotako jokalari ohi Jose Javier Barkerok nabarmendu du biek «ondo» jokatzen dutela

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna