Albistea entzun

Parekotasunik ez

Realak nagusitasun handiz irabazi dio Alavesi derbia, Ibaian: 1-5. Gipuzkoarrak gorantz egiten ari dira; arabarrak, berriz, ezinean ari dira
Amaiur Sarriegi, laugarren gola ospatzen, hark atzo Alavesi sartutako bigarrena.
Amaiur Sarriegi, laugarren gola ospatzen, hark atzo Alavesi sartutako bigarrena. MANIX DIAZ DE RADA Tamaina handiagoan ikusi

Julen Etxeberria -

2022ko urriak 30

Hogeita bost minutu; denbora hori iraun zuen parekotasunak Alavesek eta Realak atzo Ibaian jokatutako derbian: 1-5. Etxeko taldeak golik jaso gabe eutsi zion denbora da hori. Baina Gaby Garciak lehen gola sartu, eta hortxe amaitu zen parekotasun guztia. Mikel Crespok entrenatutako jokalariak saiatu ziren kolpeari aurre egiten, baina alferrik. Hori gutxi ez, eta lehen zatia amaitu aurretik beste bi gol sartu zizkieten. Amaiur Sarriegik sartu zuen lehena, 41. minutuan, eta Gabyk berriro zulatu zuen Alavesen atea aurreneko zatiaren hondarrean. Atsedenaldian erabakita zegoen derbia. Ia ez zen lehiarik egon.

Horiek horrela, astindua ez hartzen saiatu ziren etxekoak. Baina hori ere ez zuten lortu, Realak ez baitzuen behera egin. Indartsu zelairatu zen, eta ordu laurden eskasean beste bi gol sartu zituen: Amaiurrek berriro sareratu zuen baloia 52. minutuan, eta Synne Jensenek txuri-urdinen bosgarrena sartu zuen 57.ean. Sara Carrillok txukundu zuen pixka bat emaitza, 91.ean gola sartuta.

Sailkapenean, ia mutur banatan daude Reala eta Alaves. Gipuzkoarrak laugarren postuan daude: hamabi puntu lortu dituzte sei partidatan. Bolada ona harrapatu dute, hiru neurketa jarraian berdindu eta gero irabazi egin baitituzte azken biak. Arabarrak, berriz, ezinean ari dira: azken-aurrenak dira, eta puntu bakarra eskuratu dute.

Athletic, suspertu ezinik (1-4)

Athleticek ere atzo jokatu zuen, eta galdu egin zuen, Atletico Madrilen aurka, Lezaman: 1-4. Iraia Iturregik entrenatutakoak nor baino nor gehiago aritu ziren ordubetez. Are gehiago, Marta Unzuek aurretik jarri zituen zuri-gorriak hemezortzigarren minutuan. Baina Sheila Garciak berdindu egin zuen neurketa ia hurrengo jokaldian. Bana amaitu zen lehen zatia, baina, bigarrenak aurrera egin ahala, Atletico Madril nagusitzen hasi zen. Hala, Ludmila da Silvak bi gol sartu zituen hamar minutuan, eta lehia erabakita utzi zuen. Lucia Moralek eman zien azkena etxekoei, laugarrena sartuta.

Bolada txarrean dago Athletic: lehen partida irabazi zuen, baina ez du irabazi ondorengo bost partidetan; hamabost puntutatik hiru besterik ez ditu lortu. Horren ondorioz, sailkapenaren erditik behera dago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.
Iñaki Williams baloiarekin, denboraldi honetan San Mamesen Atletico Madrilen aurka jokatutako partidan. ©ARITZ LOIOLA / FOKU

Hutsune handia utzi du Williamsek

Haritz Gallastegi

Iñaki Williamsek marka ezarri du ligan: 251 partida jokatu ditu. Zelaian ari denean kritikatu egiten dute; ez dagoenean, aldiz, sumatu egiten da haren falta.

Eibarrek eta Alavesek lehen itzulian Ipuruan jokatutako derbiaren jokaldi bat. ©JAIZKI FONTANEDA / FOKU

Biak gora begira daude

Iñigo Lasa Fresneda

Alavesek eta Eibarrek sasoi onean jokatuko dute derbia larunbatean, Mendizorrotzan; bi taldeak goiko postuetan daude. Txema Añibarrok argi du: «Intentsitate eta parekotasun handiko partida izango da».

Osasunaren jarraitzaileak Sevillaren aurkako Kopako partidan. ©Jesús Diges, Efe

Indar Gorriko sei kide atxilotu dituzte Iruñean, borrokaldi batean parte hartu izana egotzita

Berria

Espainiako Poliziak 64 lagun atxilotu ditu guztira, azaroaren 27an Burgos eta Zaragoza taldeen arteko partidaren aurretik Burgosko El Plantio zelaiaren inguruan izandako borrokaldian parte hartzea leporatuta. Tartean daude Indar Gorriko sei jarraitzaile horiek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...