Noiz sortua: 2019-02-24 00:30:00

Itxuraldatuta, eta gosez

Realak Gironan jokatuko du bihar, eta bolada onari eutsi nahi dio, zazpi lehia baitaramatza galdu gabe. Imanolek aldaketak egin beharko ditu
Mikel Oiartzabal, baloia kontrolatu nahian, lehen itzulian Anoetan Gironaren aurka jokatutako partidan.
Mikel Oiartzabal, baloia kontrolatu nahian, lehen itzulian Anoetan Gironaren aurka jokatutako partidan. JUAN HERRERO / EFE Tamaina handiagoan ikusi

Jon Ander De la Hoz -

2019ko otsailak 24

Ohiko jantziarekin ez, baina azkenaldiko gosearekin bai. Gironaren aurka jokatuko du bihar Realak, Montillivin, eta itxuraldatuta ekin beharko dio neurketari, halabeharrez. Taldearen ibilia suspertzeko gako izan diren zenbait jokalari ez dira ariko. Min hartuta daude Asier Illarramendi, Kevin Rodrigues eta Adnan Januzaj. Zigortuta, berriz, Willian Jose eta Theo Hernandez. Azken horiek bosgarren txartel horia ikusi zuten aurreko jardunaldian.

Egoera hori kontuan hartuta, aldaketak egin beharko ditu Imanol Alguacil txuri-urdinen entrenatzaileak: «Lesioak sasoi guztietako parte dira. Orain, jokalari garrantzitsu batzuk min hartuta daudenez, beste batzuek izango dute jokatzeko aukera».

Hala, neurketa bakoitzeko egoeretara «egokitzeko» beharra azpimarratu du prestatzaile oriotarrak, eta esan du horretan aritu direla aste honetan: «Aukera guztiak kontuan harturik prestatu dugu neurketa».

Aurrez jakina zen Illarramendi ez zela ariko, bi aste baitaramatza min hartuta, baina herenegun hartu zuen min Januzajek: «Jokalari ezberdina da, baina bat ez dagoenean besteek agertu behar dute. Besteentzat ere aukerak daude». Kevin, berriz, atzoko lan saioan lesionatu zen, eta ez da Gironarako osatuko. Taldeko ezker hegaleko bi atzelariren faltan, ia segurua da Aihen Muñozek jokatuko duela.

Lesioak lesio, Imanol prest agertu da norgehiagokari duenarekin aurre egiteko: «Astelehenean jokatuta, prestatzeko denbora gehiago dugu. Lan egiteko baliatu dugu, eta ea horren ondorioak ikusten ditugun».

Aldarte onean dagoen aurkari bat aurkituko dute txuri-urdinek, gaur zortzi Santiago Bernabeun irabazi baitzuen Gironak. Alabaina, garaipen horri garrantzia kendu dio Realeko entrenatzaileak: «Azken jardunaldian irabazi arren, ez dago bolada onean. Halere, argi dago partida zaila izango dela». Prestatzailearen ustez, tentuz aritu behar dute, eta azpimarratu du «sistemaz aldatu dutenetan» garaipena eskuratu duela Gironak.

Realeko kideek ondo ezagutzen dute Gironaren prestatzailea: Eusebio Sacristan da, txuri-urdinen entrenatzaile ohia: «Ez dakit zer pasatuko den Eusebioren burutik, baina guk gehien erabiltzen dituen bi aukerak aztertu ditugu, lauzpabost atzelarirekin. Azken lehietan bost atzelariko taldeen aurka aritu gara».

Modu batera edo bestera izan, txuri-urdinek zazpi neurketa daramatzate galdu gabe, eta bolada horri eustea beste xederik ez dute: «Lehian gaude, baina ez naiz sailkapenari begira egoten. Hurrengo aurkariari begiratzen diot. Hasieratik esan nuen, eta hala behar du. Gero, ondorioak partidak emango dizkigu, non gauden eta nora begiratu behar dugun».

GIRONA-REALA

Girona. Bono; Porro, Alcala, Bernardo, Juanpe, Raul Garcia; Alex Garcia, Douglas; Pere Pons, Portu, eta Stuani.

Reala. Rulli; Zaldua, Llorente, Navas, Aihen; Zurutuza, Merino, Zubeldia; Oiartzabal, Sandro eta Bautista.

Epailea. Prieto Iglesias.

Lekua. Montilivi (13.500 ikusle).

Ordua. Bihar, 21:00etan (Gol).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Kalean, herritarrak maskara jantzita, atzo, Ordizian. ©JUAN HERRERO / EFE

Hauteskunde batzordea gaur bilduko da Ordiziako egoera aztertzeko

Arantxa Iraola - Jon Ordoñez Garmendia - Irati Urdalleta Lete

Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Hauteskunde Batzordea gaur elkartuko da egoera aztertzeko

Ordiziakoa Etxezarreta kalea, atzo. ©JUAN HERRERO / EFE

Ikara, bozkalekuetan

Jon Ordoñez Garmendia

Ordizian bozkalekuetan egon behar dutenak beldurrez bizi dira igandetik. Zalantza asko dituzte, eta arriskuan sentitzen dute euren burua. Gaur dute bilera udalarekin.

 ©ARITZ LOIOLA / FOKU

«Distantzia da oraingoz dugun tresna eraginkor bakarra»

Arantxa Iraola

Birusen egitura aztertzen du Abresciak Ikerbasquen, CIC Bioguneren barruan. Argi du COVID-19a oso azkar hedatzen dela gogorarazten jarraitu behar dela: ez da egun batetik bestera ahulduko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna