Argituz doaz kontuak

Irribarria-Zabaleta eta Victor-Albisu finalerdietako ligaxkan dira. Artolak eta Mariezkurrenak gaur lor dezakete sailkatzea, Tolosan
Bengoetxea, pilotari jotzen, alboan Ezkurdia duela.
Bengoetxea, pilotari jotzen, alboan Ezkurdia duela. IÑIGO URIZ / FOKU Tamaina handiagoan ikusi

Ainara Arratibel Gascon -

2019ko otsailak 17

Kalkulagailua sutan zen jardunaldia hasi aurretik Binakako Txapelketan. Baina herenegungo eta atzoko emaitzek asko argitu dituzte kontuak. Izan ere, Elezkano-Rezustarekin batera, beste bi bikotek ziurtatu dute finalerdietako ligaxkarako sailkapena: Irribarriak eta Zabaletak eta Victorrek eta Albisuk. Gaur are gehiago argitu daiteke kontua, Artolak eta Mariezkurrenak Altunari eta Martijari irabaziz gero. Hala balitz finalerdietan egongo diren lau bikoteak erabakita egongo dira, eta azken jardunaldia ez da izango ezer jokoan.

Sorian Victorrek—Olaizola ordezkatu zuen— eta Albisuk 22-17 irabazi zieten, lehen postuan diren Elezkanori eta Rezustari. Irabazleek garaipena behar zuten sailkapena ez korapilatzeko, eta ez zuten huts egin. Hasieratik izan ziren aurretik, eta ondo kudeatu zuten izan zuten bospasei tantoko aldea. Behar zuen garaipena Albisuk, Olaizola denbora luzerako min hartu eta gero, ez baitzuen batere partida ona egin aurreko jardunaldian.

Emaitza horrek Ezkurdia eta Galarza kondenatu zituen. Izan ere, nahiz eta 22-14 irabazi Bengoetxearen eta Imazen kontra, emaitza konbinazio ia ezinezko batek baino ez lituzke sailkatuko. Txapelketan egin zuten lehen itzuli kaskarra erabakigarria izan da Ezkurdia eta Galartzarentzat. Zazpi partidetatik bi baino ez zituzten irabazi.

Atzokoan hirunako berdinketatik aurrera nagusi izan ziren, eta ez zieten aukerarik eman Bengoetxeari eta Imazi. Haiek ez zuten ezer jokoan, eta nabaritu zen. Bengoetxea ahalegindu zen, baina ez zuen asmatu. Ezkurdiak, ordea, partida oso serioa jokatu zuen, eta horrek ziurtasuna eman zion Galartzari atzealdean.

Dena den, jardunaldiko partidarik interesgarriena gaur jokatuko dute Tolosan Altuna-Martija eta Artola-Mariezkurrena bikoteek. Kale edo baleko partida izango da Altunarentzat eta Martijarentzat. Izan ere, galtzen badute kanpoan geratu dira. Irabaziz gero, berriz, azken jardunaldira aukerekin ailegatu dira. Artolak eta Mariezkurrenak, haatik, nahikoa dute irabaztea, sailkatzeko. Altunak eta Martijak irabazten badute, ikusi beharko da nola geratzen den bi bikoteen arteko tantoen aldea. Lehen itzulian Artolak eta Mariezkurrenak 22-17 irabazi zuten. Azken jardunaldian Altunak eta Martijak Bengoetxea eta Imaz izango dituzte aurkari, eta Artolak eta Mariezkurrenak Ezkurdia eta Galartza.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna