Albistea entzun

Oriok bere historiako aurreneko bandera lortu du Euskotren ligan

Santanderren eskuratu du estreinako garaipena aurtengo Euskotren ligaren lehen jardunaldian, ahal handia azalduz. Arraun Lagunak, Donostiarra eta Hondarribia sailkatu dira ondoren

Aitor Manterola -

2019ko ekainak 30

Pausoz pauso, urtez urte, entrenamenduz entrenamendu eta bere-berean joanda lortu du Oriok urteetako ametsa: emakumezkoen liga nagusian bandera bat irabaztea. Urteetako lanak saria izan zuen atzo, Santanderren (Espainia), eta klubaren historia handian leku berezia izango du garaipen horrek.

Aldez aurretik iragartzen zena bete egin zuten Xanti Zabaletaren arraunlariek. Faboritotzak hartuak dauzka arraun munduak aurten denboraldia handia osatzeko, eta hasiera, behintzat, bide horretatik egin zuten atzo. Lanari ekin orduko menderatu zituen aurkariak: Arraun Lagunak, Donostiarra eta Hondarribia.

Lehen jardunaldia zuten atzo liga honetan, eta Euskotreneko hau izan da hasten azkena aurten. Irrikaz eta gosez zeuden arraunlariak, baina ez ziren berehalakoan abiatu. Ikaragarri pila kosta zitzaien irteeran behar bezala kokatzea talde batzuei, eta asko atzeratu zen irteera. Ia hogei minutu berandu astindu zituzten palak arraunlariek.

Hasi orduko, Arraun Lagunak hasi zen muturtxoa erakusten besteei, baina hutsaren hurrengoa zen haren aldea. Oriok berehala hartu zuen estropadaren burua aurreneko kaletik, eta haren atzetik lekuak ere azkar finkatu ziren; bai, behintzat, bigarren lekurako. Arraun Lagunak ondo zetorren postu horretan, beste lehia batean utzita Donostiarra eta Hondarribia.

Orio ondo ari zen arraunean, urteetan pilatutako eskarmentua plazaratuz. Nahiz eta lehen estropada izan aurtengoa, eta irteeran asko berandutua izanagatik ere, neurria ederki hartu zioten lanari, eta burua galdu gabe, erritmo onean, trainerua bazihoan aurrera. Koska gero eta handiagoa zuen atzekoekiko, eta ziaboga bakarrera heltzerako, 11 segundo atzetik zuen Arraun, eta 16 atzerago Donostiarra. Hondarribiak ondo ekin bazion ere lanari, atzean geratzen hasi zen, eta askoz atzerago geratu behar izan zuen ziabogan, istriborretik eman zuelako. Arazo horrek bidea erabat garbitu zion Donostiarrari, hirugarren izateko.

Arraun, laugarren kaletik, itsaslasterren indarra baliatuz edo, Oriori aldea jaten hasi zen, nahiz eta bandera kentzea ia ezinezkoa zen. Baina lana ondo bukatu zuten, atzetik aurrera, eta azkenean, 7,22 segundoko atzerapena izan zuen Oriorekiko.

Donostiarrak 28, 40 galdu zituen, eta Hondarribia lasai sartu zen, erritmo txikian, ezer egiteko aukerarik gabe, 1.12, 68ra.

Lekeition ariko dira gaur

Atzokoak ahaztu, eta gaur ere lanerako jarri beharko dute arraunlariek. Lekeition (Bizkaia) ariko dira, itsasoan, atzo ez bezala (12:00, ETB1). Beste eremu bat da, atzokoaren aldean erabat ezberdina, eta emakumezkoen liga honi bigarren argazki bat ateratzeko aukera emango du gaurkoak. Atzo bezalako haize indartsua ez badute, konforme. Baldintzak aldatuta ere, gaur ere Oriori begira egongo dira begi guztiak, faboritoak ahala eta gaitasuna erakutsi zituelako atzo ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©RAUL BOGAJO / FOKU

«Mikelekin irabazi nahi dugu Giroa; bera da kapitaina»

Eñaut Agirrebengoa

Gaur hasiko da Italiako Giroa, Turinen, eta konfiantzaz helduko dio Bilbaok. Mikel Landarentzat egingo du lan, bere aukerak erabat baztertu gabe: hasieran, bederen, aurrean egon nahi du.
Realeko hainbat jokalari Aritz Elustondok sartu zuen gola ospatzen, atzo, Anoetan. ©JON URBE / FOKU

Klarionaren puntuak

Jon Ander De la Hoz

Realak Elx garaitu du, eta bosgarren postuari lotu da. Jokalari bat gehiagorekin arituta, bigarren zatian lortu ditu partidako bi golak
Nekane Teres. ©GORKA RUBIO / FOKU

Athletic eta Osasuna puntuen premiarik gabe ariko dira gaur San Mamesen

Haritz Gallastegi

Talde zuri-gorriak estreinakoz kateatu nahi ditu bi garaipen denboraldi honetan. Gorritxoek azken lehietako itxura onari eustea dute xede

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Aitor Manterola

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna