Noiz sortua: 2019-03-03 00:30:00

UHINETATIK TIRAKA

Biografia poliedrikoak

Xabier Lasa -

2019ko martxoak 3
Diego Garcedo. Egiaren bila bizia arriskatzeko gai izan zen kazetariaren irudi idealizatuarekin identifikatuko dugu, baldin eta Ander Iribarrek eta Almudena Cachok harekin atzo eduki zuten solasarekin geratzen bagara. Baina iraganean munduan zehar gerrak jorratu zituen RTVEko kazetari horren biografiak badu segidarik. Geroztik, PSOE-PPren bipartidismo jakobinotik at zegoen errealitate soziopolitikoari edo linguistikoari bizkar eman zioten RTVE eta RN1eko zuzendaria izan zen (1989-1996). Saenz de Santamaria jenerala zuritzen zuen biografia idatzi zuen ondoren, beti izan zela demokrata denok konbentzitu nahian. Hots, Francorekin ardura militarrak izan zituena, Fraga, Martin Villa eta PSOEren barne ministerioen kupuletan aritu zena, eta adierazi izan zuena «egiten diren zenbait gauza ezin dira aitortu» gerra zikina gogoan hartuta. Liburu hori idazten ari zela REn tertuliakide gisa aritu zen Garcedo, eta, esaterako, euskarak Nafarroan zein Iparraldean bizi zuen egoera ondo zekienaren plantak egin izan zizkigun batere lotsarik gabe. Egun, kazetari jakintsuaren aureolatik zupatzea eta organo publikoetan karguak pilatzea da bere ofizioa (azkena, RTVEri buruzko Adituen Batzordearen lehendakaritza).

Pique. Lazki deskalifikatu dute Espainiako kazetari mediatiko askok, kazetariei adierazteagatik gizarteari mesede egingo lioketela VARaren inguruan xahutzen duten ahaleginaren zati bat bideratuko balute Madrilgo epaiketa zabaltzera. Kirol kazetarien purrustadak izan dira deigarrienak. Manu Carreñok eta Jose Ramon de la Morenak, esaterako, beren bi sentimenduak (merengea gehi unionista espainiarra) zabar airatu zituzten partiduaren osteko gauean bertan, ohiko bi argudio erabiliz: Pique ezjakina da politikan, eta kirola eta politika ez dira nahastu behar. Koherentziagatik ez dira nabarmenduko bi esatariak; izan ere, iazko urrian, euren kirol saioetan nahi beste jardun zuten Kataluniako prozesuaren «burugabekeriaz». Behingoz, guztiok ere barneratu beharko genuke edozein kirolariren iritziak behar ditugula onartu, gogokoak izan ala ez. Pique futbolari independentistak zein Nadal tenislari unionistak nahi dutena adierazteko eskubidea daukate. Beste kontu bat da aparteko kirolariak eta kirol esatariak direlako aparteko intelektualak direla uste izatea.

Albiste gehiago

Martxoaren 31n eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.647 gaixok eman dute positibo koronabirusaren proba eginda, administrazioen arabera. 441 hil dira. COVID-19 gaitza izandako 1.775 pertsonari eman diete alta. Grafikoak, albiste barruan.

Lantegiak itxita, Oñatin. ©Jagoba Manterola / Foku

Lehen positiboa atzeman dute Greziako kanpaleku batean

Berria

Greziako Migrazio Ministerioak adierazi du positibo bat atzeman dutela Ritsonako errefuxiatuentzako kanpalekuan. Herrialde hartako errefuxiatuentzako kanpaleku batean baieztatu duten lehen kasua da. Grezian, denera, 1.300 kasu inguru atzeman dituzte.

Mungiako taberna bat, ateak itxita. ©Aritz Loiola / Foku

Kuota atzeratu ahal izango dute autonomoek eta enpresa txikiek

Irune Lasa

Espainiako Gobernuak sari berezi bat sortu du etxeko langileentzat eta behin-behineko lana galdu dutenentzat. Alokairua ordaintzerik ez dutenak ezingo dituzte etxegabetu.

Langile bat lanean, Basauriko Sidenorren, artxiboko irudi batean ©Luis Jauregialtzo (Foku)

Enpresa batzuei irekitzeko aukera eman die Espainiako Gobenuak

Jokin Sagarzazu

Espainiako Gobernuak salbuespen batzuk sartu ditu funtsezkotzat jotzen ez diren jardueren funtzionamenduan, bereziki euren produkzioa esportaziora bideratzen duten enpresentzat —haien jarduera edozein dela ere—, eta itxieraren ondorioz merkatua galtzeko arriskuan dauden kasuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna