Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

UHINETATIK TIRAKA

Nortzuk lehenetsi argazkian

Xabier Lasa -

2018ko irailak 30

Nork protagonismoa? Albistegietan zenbait gertakariri buruzko berriak nola formulatzen dizkiguten ikusita, ezinbestekoa da galderak jaurtitzea airera, kazetaritzan oinarrizkoak omen direnak. Zer da mamia hor? Nor protagonista? Nor eta zer bigarren mailako elementua? Ziria sartuko digute batzuetan, eta di-da irentsi ergel batzuen moduan. Baina hain begi bistako uzten digute besteetan... Atzo, azkenekoz: Limpias herrian (Kantabria) 36ko gerran hilobiratutako dozenaka euskaldun, kantabriar eta asturiarren alde egin zen aitorpen ekitaldiaren harira, «Eusko Jaurlaritzako eta Gogora institutuko ordezkariak Limpiaseko ekitaldian izan dira», esanez zabaldu zuten albistea REn, 15:00etan. Alegia, gertakaritik pertsona publiko jakin batzuen presentzia zen nabarmendu beharrekoa. Bigarren planoan utzi behar ziren, antza, beste zenbait xehetasun: 81 urtean ezkutuan egon diren makina bat biktima argitan jarri eta omendu izana, hainbat senitarteko bertaratu eta beren bizitzako egunik hunkigarriena bizitu izana seguruenik… Gertakariak jakinarazteko eskema interesatu horiek entzun, ikusi edo irakurtzeko, nahikoak beharko genituzke erakundeen webgune ofizialak.

Sistemaren okerra. Eva Domaika esatariak orain sei urte Barakaldon (Bizkaia) etxe kaleratzearen atarian bere buruaz beste egin zuen Amaia Egaña izan zuen gogoan bere minutu eskaseko ohiko hausnarketan, ostiralean (Ser katea, La Lupa, 07:55). Haren heriotza mugarritzat jo zuen; eztanda-eragile izan omen zen erakunde publikoak, justizia eta bankuak mugi zitezen. Bihozkadak adierazten omen dio, oraingoan ere, Maguette Mbeugouren erailketak antzeko lurrikara sor dezakeela. Ikusteko dago nahiko zantzurik ba ote den itxaropenik agertzeko. Hots, nahikoa ote den, soziologikoki aztertzen zailak diren arrazoiak direla medio kasuak hedabideetan eta gizartean bereganatu duen zirrara. Nahikoa ote den, konparaziorako, atzo REko El Parlamento de las Ondas tertulian politikariak serio antzean jardun izana ordubeteko monografikoan, eta mordoxka izatea entzuleek horiei igorritako Whatsapp mezuak? Delituei izen-abizenak jartzea lanbidea duten epaileen epaile den Juan Luis Ibarrak heriotza «sistemaren okerrari» egotziz, eta, era horretan, erantzukizunak linboan diluitzeko formula dotorea erabiliz, bide onetik al goaz?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Darth Vader eta haren soldaduak, Antiguatik udaletxera bidean. ©BERRIA

Elkartasunaren indarra lagun

Jakes Goikoetxea

'Star Wars' filmen sagako pertsonaien erakusketa eta desfilea egin dituzte Donostian. Zaleen Pink Force fundazioak antolatu ditu, Gipuzkoako Odol Emaileen Elkartearen alde.
 ©IÑIGO URIZ / FOKU

«Elkarte askotan konpromisorako urratsa egitea kostatzen da»

Iker Tubia

Pedagogia aktiboaren bueltan aritu da Bobes; batez ere, hezkuntza araututik kanpo. Emakumeen ahalduntzerako herri kultur-zentroetan aritu da jo eta su, eta hamaika elkartetan. Emakumeez, feminismoaz, ibilitakoaz eta erronkez mintzatu da.
 ©JAGOBA MANTEROLA / FOKU

«Entzundako zerbaitek norbaiti balio baldin badio, zoragarri»

Jakes Goikoetxea

Hamabi bideo elkarrizketako proiektu bat abiatu du, aurrera egiteko tresnak bilatzeko asmoz, besteek egindako bidetik ikasteko asmoz. Enpatian eta konfiantzan oinarritutako solasaldiak dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.