Noiz sortua: 2019-04-07 00:30:00

UHINETATIK TIRAKA

Eufemismoen abusua

Xabier Lasa -

2019ko apirilak 7

Fonetika kontuak. ELAko idazkari berri Mitxel Lakuntzak tripako minik eragingo zien zenbait kazetariri honezkero. Esatariei modu bikoitzean, gainera. Muñoz bezain borrokalaria dela aldarrikatu baitu batetik; eta, bestetik, «izorratzeko» egina dagoela dirudien abizenarekin baitator. Gaurtik, albisteen joan-etorrian sindikalista hori aipatu aldiko «Lakunca» edo «Lakuntxa» soinu karrankariak aditzera kondenatuko gaituztela esango nuke. Belarrirako sufrikario zaizkigun ertzaintza-k, osakidetza-k eta euskal izendegi eta toponimiako beste hainbat hitzen zakura gehituko dutela. Gehiegi eskatzea ote da saiatu daitezen ondo ahoskatzea tz? Kosta egiten bazaie, ez dakit ba nik, entzuleek egin genezake diru-bilketa logopeda baten zerbitzua kontratatzeko. Euskal Herrian eta euskal herritarrentzat lan egiten duten kazetariek serio hartu beharko luketen kontua da.

Biktimarioa, erdigunean. Egiatik eta justiziatik eskas dabilen biktimen lege berriak argi utzi du zenbat oinaze dagoen sendatzeko oraindik, Pili Zabalak Faktoria-n herenegun aitortu zigun bezala. Giza eskubideen urraketak aztertzerakoan, biktimarioa nor den begiratzen segitzen delako, besteak beste. Politikagintzan bezala, kazetaritzan. «Beste» biktima horiekiko trataeran eta terminologian. Ostegunekoak erakutsi digu erosoagoa egiten zaigula, oraindik ere, legebiltzarkideen arteko xextren kronikak egitea, estatu biktimak gai-agendara batu eta horien mesederako den legea aztertzea baino.

Ezjakinak. Dani Alvarezek arrazoi zuen Boulevard-en esan zuenean biktima horiek ezjakintasunera eta itzalpera kondenatuta egon direla. Eta guardia zibilek kontrol batean hil zuten Felipe Suarezen semearekin eduki zuen elkarrizketa bikainak erakutsi zigun zenbatekoa den, egiatan, ezjakintasuna biktima horiekikoa.

Eufemismoak. Modu naturalean esaten da ETAk Aingeru Berazadi erail zuela, baina gero, erreparoak jartzen dira lau egun geroago hildako Suarezekin, «eraila» hitza ahoskatzeko. Bestetik, legea definitzerakoan, «segurtasun indarren abusuen legea» dela esaten da hitzetik hortzera; «Polizien biolentzia» esan beharra saihesten da horrela. Baten batek «abusua» jarri zuen zirkulazioan, eta arrakasta itzela izan du hitzen aukeraketa ideologikoaren merkatuan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna