Albistea entzun

UHINETATIK TIRAKA

Desioak eta agurrak

Xabier Lasa -

2020ko uztailak 19

Agur bikoitza. EITBko irratiek emozioetarako aldartea eskaini ziguten ostiral goizez. Maite Artolak eta Dani Alvarezek azken eguna zuten, zazpi eta hamar urtez goizeko magazinen buru izan ostean. Aurrerantzean lo gehixeago egingo duela zioen Artolak, familiarekin gehiago gozatu ahal izango duela Alvarezek. Baina, batez ere, ezer ez dela amaitu gogoratu zuen lehenak. Egia biribila, geroztik bi irratietatik ahots ugari aditu ahal izan baititugu, eta horiekin batera makina bat kontu eta kantu airatu baitzaizkigu. Une hunkigarriak bizi ziren irrati estudioetan herenegun; biolinaren akorde tristeak, lankideen txaloak... Goraipamen ugari lantaldeari eta kolaboratzaileei, goizez egindako kazetaritzari... Halako zeremonia egitea eskatuko zuen aldarteak akaso, baina auto-omenaldi dosi handia eszenifikatu zen bietan. Formula idealik ez da asmatu, baina topa zitekeen Mikel Bujandak egin zuen lan uzte zurrunaren eta bi horienaren arteko hibrido duinen bat; apalagoa, ez hain gurtze pertsonalista.

Desio bat. Maite Artolak bere ordezko Iñaki Guridi aurrez aurre eduki zuen agurrean. Bazihoanak badatorrenari begira-begira jarrita, desio bakarra aitortu zion: genero berdintasunaren irizpidea onartu zen bezala, hizkuntza berdintasunarena ere ea aintzat hartzen duen hurrengo Jaurlaritzak, sailburu gehiago elkarrizketatu ahal izateko.

Beste desio bat. EITBk bi debate antolatu zituen bere telebistetan joan diren hauteskundeetan. ETB1n euskaraz hilaren 2an egin zen; biharamunean, Boulevard-eko tertulia politikoan ez zen eztabaidarako gaitzat jo. Aldiz, hilaren 7an ETB2n gaztelaniaz egin zen eztabaida gai nagusi bilakatu zen Boulevard-eko tertulian hurrengo goizean, hautagaien interbentzioekin laburpena egin ostean. Euskaldunak dira lehenengo tertulian parte hartu zuten hiru iritzi emaileak (Iñaki Iriondo, Juanjo Alvarez eta Nagua Alba), hots, ez zeukatela inongo arazorik analizatzeko bezperako politikoen eztabaida. Hortaz, zer dela eta ETB1n egindako eztabaida politiko batek ez du kabidarik REn? Zer dela-eta REren aldetik gutxiespen hori ETB1eko lankideei, eta batez ere euskarari eta hizkuntza funtzionala izateko bere gaitasunari? Boulevard-eko zuzendariaren aldaketak euskararenganako jarrera aldaketa ekar dezakeen ustetan segituko dugu irratia entzuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ENDIKA PORTILLO / FOKU

«Ondo gozatzea dagokigu, pribilegiatu batzuk baikara»

Unai Etxenausia

Txikien eguna ospatuko dute gaur Gasteizen. Berganzo eta Ferrera arduratuko dira aurten Edurne eta Zeledon Txiki antzezteaz. Andre Maria Zuriaren plazan izango da jaitsiera.
Arana Goiriren eskultura, Bilboko Albia lorategian. ©ZALDI ERO

«Bizkaia foral eta euskaldun bat baina arrazaz maketo, nardagarria izango litzateke»

Miel A. Elustondo

«Haren argibidez ni jabetu / enegan bazela norbait atxilotu. / Orduan jaitsi nauzu leizera; nork gure muinean dugun itzalera». Xabier Lizardi dugu, Sabino Arana Goiriren argibideei aitortza eginez. Beti guztion eskura Bilbon dela jakin dugularik, haraxe joan gatzaizkio galdezka, Albiako lorategietara. Gogoetagai ibili zituenetako batzuez jardun digu euskotar euskaldunak.
Zerua izarrez beteta Iruñeko Planetarioan, 2022ko pertseiden prentsaurrekoan. ©JAGOBA MANTEROLA / FOKU

Zeruko ikuskizunik ederrena

Ane Etxandi

Iruñeko Planetarioak irteera bat antolatu du abuztuaren 12an izar iheskorrak ikusteko; aurten Erronkariko bailaran izanen dira. Film berri bat aurkeztu dute, argi kutsaduraren ingurukoa.
Miren Urbieta-Vega soprano donostiarra kantuan ariko da. ©MICHAL NOVAC

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...