Albistea entzun

Bidasoa Irun 26-30 Ademar Leon

Bakeak egin gabe doa

Bidasoak galdu egin du Ademarren aurka, Espainiako Kopako finalerdietan. Irundarrek garesti ordaindu dituzte gorabeherak
Tesoriere eta Bonanno, Ademarreko Suarezekin lehian, atzo, Madrilen, Espainiako Kopako finalerdietan.
Tesoriere eta Bonanno, Ademarreko Suarezekin lehian, atzo, Madrilen, Espainiako Kopako finalerdietan. J. J. GUILLEN / EFE Tamaina handiagoan ikusi

Julen Etxeberria -

2021eko martxoak 7

Bidasoa Irun. Sierra; Odriozola (2), Salinas (1), De la Salud (5, 4p), Azkue (6), Crowley (5), Aginagalde (2) —hasierako zazpikoa—; Ledo, Cavero (1), Racotea (3), Zabala Serrano (1), Tesoriere, Da Silva, Nieto eta Bonanno.
Ademar. Slavic; Perez (4, 1p), Feuchtmann (6, 3p), Donlin, Semedo (2), Lucin (6, 2p), Jaime Fernandez (1) —hasierako zazpikoa—; Ghedbane, Marchan (3), Suarez (4), Martinez Cami (1), Gostovic, Martinez, Pietxowski, Kisselev eta Casqueiro (3)
Markagailua. 3-3, 4-4, 7-7, 8-11, 12-13, 14-13 (atsedenaldian); 16-17, 17-19, 18-21, 20-23, 22-26 eta 26-30.
Epaileak. Garcia eta Martin. Bi minutuz kanporatuak: Bidasoako Tesoriere eta Aginagalde; eta Ademarreko Feuchtmann (bi aldiz), Semedo eta Donlin.
Bestelakoak. 300 ikusle inguru Madrilgo Wizink Center pabiloian.

Espainiako Koparekin adiskidetu nahian iritsi zen Bidasoa Madrilera, eta lehiaketa horrekin bakean geratu gabe bueltatuko da Irunera (Gipuzkoa). Atera zuen lehenbiziko arantza, finalerdiak azkeneko aldiz jokatu eta 25 urte geroago finalaurrekoetara iritsita. Txapeldun izan zen orduko hartan, baina oraingoan, erdibidean geratu da, finalaren atarian. Ademarrek kanporatu du. Leongo (Espainia) taldeak 26-30 irabazi zion atzo, eta lehiaketatik kanpo utzi zuen.

Merezita jokatuko du Ademarrek finala, Bidasoa baino gehiago izan baitzen. Erregularragoa izan zen batez ere, partida hasi eta buka. Irundarrak, ordea, gorabeheratsu aritu ziren, eta momentu onak baino gehiago izan zituzten ezintasunekoak. Horrek desorekatu zuen lehia aurkariaren alde.

Alferrikakoa izan zen oraingoan Jose Manuel Sierraren lan eskerga. Final-laurdenetan egin bezala, bikain aritu zen Bidasoako atezain beteranoa: hamahiru geldiketa egin zituen. Harengatik izan ez balitz, lehen zatian jadanik oso maldan gora izango zuen norgehiagoka Jacobo Cuetarak entrenatutako taldeak. Izan ere, 21. minutuan, lau gol zen aurretik Ademar (8-12), eta Bidasoa jokalari bat gutxiagorekin zegoen. Aurkariaren kontraerasoa min handia ari zitzaien egiten irundarrei. Baina hortxe azaldu zen Sierra, atea horma bilakatzeko. Horrek taldekideak hauspotu zituen, eta defentsan sendo eta erasoan eraginkor arituta, buelta eman zioten neurketari: 14-13.

Sierrari esker

Parekatua hasi zen bigarren zatia, baina pixkanaka berriz ere hasi zen desorekatzen Ademarren aldera. Gauzak zail jarri zitzaizkion berriro Bidasoari. Bi gol jarri zen atzetik (16-18), baina beste behin, Sierrak eutsi zuen Bidasoa. Baina hezur-haragizkoa da Sierra, ez makina, eta hirugarren ahaleginean lortu zuen aurkariak helburua: ia zortzi minutuz izan zuen Bidasoa golik sartu gabe, eta, lau golen aldea lortu zuen (18-22).

Ordu laurden falta zen. Arriskatu beharra zuten irundarrek. Halakoetan saria edo zigorra jaso daiteke, eta zigorra jaso zuten. Hala, Bidasoaren presak baliatuta, Ademarrek sei golen zuloa egin zuen lau minutu falta zirela: 22-28. Akabo lehia, eta akabo 25 urte geroago finala jokatzeko ametsa. Koparekin bakeak egin gabe itzuliko da etxera Bidasoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

«Athleticek erakutsi du finalean Bartzelonari irabaz diezaiokeela»

Haritz Gallastegi

Athleticeko kapitain ohiaren ustez, talde zuri-gorriari kosta egiten zaio finaletan berea ematea. Hala ere, itxaropentsu dago Bartzelonaren kontrako partidari begira. Taldea «ondo» dagoela iritzi dio.
Erik Jaka, Baikorekin kontratua sinatzen, atzo, enpresaren egoitzan, Bilbon. ©BAIKO PILOTA

«Aurrerapausoa da niretzat»

Julen Etxeberria

Erik Jakak eten egin du Asperekin zuen kontratua, eta Baikon ariko da maiatzaren 1etik aurrera, 2024ko abenduaren 31ra arte. Hilaren 24an jokatuko du azken lehia Asperekin

Erik Jaka, Baikorekin kontratua sinatzen, gaur. ©Baiko

Baikok Erik Jaka fitxatu du

Julen Etxeberria

Buruz buruko txapeldunak eten egin du Asperekin zuen kontratua, eta enpresa berriarekin ariko da maiatzaren 1etik aurrera. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna