Proposamenak

Artzain lana ikusteko

Emakume baserritarrei ahotsa emango diete gaur Uharte Arakilgo Artzain Egunean; txapelketak, erakusketak eta feriak egingo dituzte

Amaiur Irastorza Adin -

2019ko abuztuak 25
Artzain Eguna dute gaur Uharte Arakilen (Nafarroa). Aralar Mendi kultur elkarteak antolatuta, artzaintzari lotutako zenbait lehiaketa, erakusketa eta jarduera egingo dituzte egun osoan.

Aurtengoan, emakumeen lana ikusarazi nahi dute, eta haiek izango dira omenduak; haien lanak eta bizipenak ikusgai izango dira herriko kaleetan. Uztailean, Emakumeen papera artzantzan jardunaldiak egin zituzten Uharte Arakilen; baserrietan, etxaldeetan eta ustiategietan, zuzenean zein gainontzeko zereginetan lanean aritu izan diren eta aritzen diren emakumezkoen bizipen eta ikuspuntuak bildu zituzten jardunaldietan. Bertatik ateratakoak izango dira kaleetan ikusgai jarriko dituztenak.

Mende erdiko ibilbidea

Artzain-txakur txapelketa izango da ekitaldi nagusia; 17:00etan izango da. Han lehiatuko direnek aukera izango dute Oñatiko (Gipuzkoa) nazioarteko eta Euskal Herriko txapelketetara sailkatzeko.

Bestelako jarduerak ere izango dira: goizean, 14:30 bitartean, ardi eta artaldeen, ardi gazten eta ile moztaileen lehiaketak egingo dituzte. Feria ere jarriko dute, eta zenbait gazta dastatu ahalko dira han. Artzain txakurren erakusketa ere egongo da, eta, 11:30 inguruan, artaldeak paseatuko dituzte herrian. Goizeko jarduerekin amaitzeko, omenaldia eta sari banaketak egingo dituzte, eta herri bazkaria izango da segidan.

Uharte Arkilgo lehenengo artzain-txakur txapelketa 1968an egin zuten, Oñatikoaren arrakasta ikusita. Geroztik, jarduera gehiago antolatzen dituzte, eta egun osoko egitaraua izaten du Artzain Egunak.

Artzain Eguna



Gaur, Uharte Arakilen (Nafarroa).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna