Albistea entzun

Izaro uharteko lehia

Gaur jaurtiko du Bermeoko alkateak Izaroren jabetza aldarrikatzen duen teila. Festa giroan murgilduko dira Bermeo eta inguruko herriak

Naia Begiristain -

2018ko uztailak 22

Urtero bezala, gaur jaurtiko du teila Bermeoko alkateak, Idurre Bidegurenek, Izaro uharteko uretan. Teila horrek aldarrikatzen du Izaro Bermeoren lurretan dagoela. Aspalditik dute bermeotarrek eta mundakarrek Izaroren jabetzari lotutako lehia: kondairaren arabera, Bermeorena da uhartea.

Madalen eguneko ospakizunak Kankibara txistu taldearen kalejirarekin hasiko dira. 11:50ean bilduko da udalbatza goiko plazan, eta Alkate soinua entzun bezain laster abiatuko dira kalejiran portura. Portutik ontzietan joango dira Izarora. Itsas jaia 12:00etan hasiko da: udalak Bermeoko banderaren eta ikurrinaren igoera egingo du uharteko uretan. Segidan, alkateak teila jaurtiko du, Izaro Bermeoren eremuan dagoela berresteko. Ontziak 13:30ean iritsiko dira Elantxobera. Herriko plazan ohorezko aurreskua egingo du Alkartasuna dantza taldeak.

Diseinu berezia duen teila

Ontzia Mundakara joango da 18:00etan, eta Bermeon izango da 19:30ean. Goiko plazara joango da udalbatza, txistulariekin eta Bermeotarrak fanfarrearekin batera. Han, herriko bandera eta ikurrina altxatu ostean, dantza egingo dute. Horren ostean, San Migel eskaileretara joango dira. Giro aparta egongo da portuan gauerdira arte, kaiko Sorgine elkartearen laguntzarekin.

Madalen eguneko ospakizun nagusia da teila botatzekoa. Urtero moduan, teila botatzean oihu egingo du alkateak, hala esanez: «Honaino heltzen dira Bermeoko itoginak». Juanjo Bereziartua bermeotarrak diseinatu du aurtengo teila: Izaro uhartea margotu du horretan.

Izaro uharteko festa

Gaur, 11:50etik aurrera,

Bermeon (Bizkaia).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Musika ekoizleok artistak ere bagara»

Unai Etxenausia

Musika urbanoa ekoizten hasi zen Denso duela bost urte. Euskal Herrian indarra hartzen ari den generoa dela nabaritzen du. Horregatik, estudio profesional bat irekitzeko apustua egingo du.
Ezkerretik eskuinera, Eider Amundarain Zaldibiako Lardizabal eskolako zuzendaria, Eñaut Agirre eta Zineb el-Ghaouti gurasoak, eta Karmele Perez Huheziko irakaslea. ©ARITZ LOIOLA / FOKU

Eskola denentzat izan dadin

Ane Insausti Barandiaran

Eskolako funtzionamendua euskaraz izan dadin, baina, era berean, edukiak guraso guztiek uler ditzaten, proiektu bat abiarazi dute Zaldibiako eskolan. Guraso euskaldunak eta migratzaileak elkarrekin ari dira baliabideak sortzen. Orain arte egindako bidea aztertu dute, jardunaldi batzuetan.
 ©MARISOL RAMIREZ / @FOKU

«Ipuinetako lizentziak hartu dituzte bertsolariek»

Urtzi Urkizu

Bertsolari Txapelketa Nagusiko ETBko emanaldietan analisiak egiten aritu da Martin, Ilaski Serrano esatariaren alboan. Hala arituko da hilaren 18ko finalean ere, Iruñean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.