ATZEKOZ AURRERA

Amek badakite

Euskararen Ginkanako finala egin dute Donostian. Hizkuntza ekologiaren gaian sakontzeko lehiaketan, lau talde aritu dira nor gehiago, 3.000 euro irabazteko asmoz.
Denera, 122 pertsona lehiatu dira ginkanan. Irudian, atzoko finala; eskuinean, irabazleen taldeko kideak.
Denera, 122 pertsona lehiatu dira ginkanan. Irudian, atzoko finala; eskuinean, irabazleen taldeko kideak. GORKA RUBIO / FOKU Tamaina handiagoan ikusi

Edu Lartzanguren -

2019ko martxoak 10

Hau eurovision bezalakoa da», esan du emakume kaskazuri batek. Tabakalerako laugarren solairuan dago, beste ehun bat ikuslerekin batera. Jolasteko gogoa sumatzen da giroan, baina baita tentsio apur bat ere: 3.000 euro daude jokoan.

Euskararen Ginkana da. Kutxa Ekoguneak sustatu du, Euskaltzaleen Topagunearekin batera. «Euskaraz eta euskararekin dibertitzeko egitasmoa da», azaldu du Edurne Azkaratek, pulpitutik. Pantaila erraldoi bat du atzean, eta hark egingo du zeremonia maistrarena.

Denera, 122 pertsona aritu dira lehiaketan. Azkaratek azaldu duenez, estu ibili dira hamabi talde, baina, azkenean, lau sailkatu dira finalerako. Egin behar izan dituzten probak www.euskararenginkana.eus gunean daude ikusgai.

Orain bai leloa idatzia duten kamisetak soinean dituzte Gasteizko Los Herran ikastolako Amets Gaiztoak taldeko mutilek. Beteranoak dira: iaz, irabazi egin zuten ginkana.

Aldamenean dituzte Durangoko Kurutziaga Ikastolako neska-mutilak (Bizkaia). Sariarekin, ikaskide etorkinentzat materiala sortu nahi dute.

Getariatik (Gipuzkoa) heldu da Artzape taldea, izen bereko euskara elkartean osaturikoa. 3.000 euroak nahi dituzte Artzape herri aldizkariari eusteko.

Eta, azkenik, talderik deigarriena: punk musikariz jantzita heldu dira, ileorde koloretsuekin. Azaldu nahi izan dute zergatik: «Gure auzoan orain ditugu inauteriak, Altza ez delako Donostia», esan du Helena Gonzalo taldekideak, adats gorri-beltz sintetiko bat buruan. Harri Berri-Oleta eskolako Gurasoen Euskara Batzordeko kideak dira.

Hasi da ginkana. Asterixek hamabi proba pasatu behar izan bazituen, lehiakideek bost gainditu beharko dituzte. Lehenean, herritarren protesta irudimentsuen hiru segundoko bideoak ikusi dituzte, eta zeren kontrakoak ziren asmatu behar izan dute. Bigarrenean, hizkuntza ekologiaren ikuspegitik, jokabide egokiak identifikatu behar izan dituzte.

Euskaraz bizitzeko ekintzak aktibatu elkartuz esaldia osatzeko, hizki bana zeukaten ikusleak bildu dituzte gero, ardi txakurrek bezala. Azkarrenak, ile koloretsuetako punkak izan dira.

Laugarren proba Euskaraldiarekin egon da lotuta: pertsonaia publiko batzuk Euskaraldian ahobizi edo belarriprest izan ote ziren asmatu beharko dute lehiakideek. La Basu rap abeslaria? Denek asmatu dute, getariarrek izan ezik: ahobizi. Itziar Ituño aktorea? Ahobizi; Gasteizkoek egin dute huts. Toti Martinez de Lezea? Erraza zen, eta denek asmatu dute: belarriprest. Contxu Uzkudun arropa diseinatzailea? Bakarrik punkek asmatu dute: belarriprest. Xila Pihlstrom finlandiar-donostiarrak? Denak zuzen: ahobizi.

Azken proban, sare batzuk puxikez bete dituzte, perimetrorik handiena nork lortuko. Euren esku estrategia aukeratzea: puxika handi gutxi, edo puxika txiki asko? Getariarrak nagusitu dira.

Taldeek lorturiko puntu bakoitzarengatik pilota bat sartuz joan dira arrainontzi banatan. Orain, pilotak zenbatzea da kontua, irabazlea nor den ebazteko. Azkenei sei puntu atera diete lehenek. Altzako guraso taldeko ama punken taldeak irabazi du. Ileordeko gorri eta urdin elektrikoak airean ibili dira ospatzen. 3.000 euroak auzoan hitzaldi eta jaialdiak antolatzeko erabiliko dituzte. «Ez genuen espero», esan du Gonzalok. «Ez gara batere entrenatu». Amek badakite, berez.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berrin izandako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako oharrean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzekoa.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

Osasun langileak, atzo, PCRak egiten, Donostiako Okendo kultur etxean. ©GORKA RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna