Albistea entzun

UHINETATIK TIRAKA

Podcasta irratia da

Xabier Lasa -

2019ko abenduak 1

Atzokoa, gaurkoa Iñaki Elortzak euskarazko irratigintza modernoaren protohistoria kontatu zigun, zuzeneko kirol emankizunen alorrean, Rikardo Arregi Ohorezko Aipamena jasotzerakoan Andoainen, ostegunean. Oraindik ez zenean esatari, Atotxara Realaren partiduetara joan, jendartean grabagailua piztu, eta erretransmisio simulatuak egiten zituenekoa. Esentzian, irratiak bere horretan segitzen du, nahiz teknologia digitalaren morroi izan. Ahotsa baita muina; geure barruko zein kanpoko mundua kontatu eta transmititzeko tresna da. Esatariak hartzen du hitza mikro baten aurrean, edo, aurrean duena mintzarazten jartzen du, irudi eta gainerako artifizio despistagarririk gabe.

Barruan Gaude Elorzak iradokitako filosofiari eusten dio Oier Aranzabalek Zuzeu agerkari digitalean —finalistetako bat izan zen Andoaingo ekitaldian—. Barruan gaude izenburuko podcastak zintzilikatzen ditu astero, zer esana daukaten kulturgileekin egindako solasekin. Irratiei gero eta gehiago falta zaien patxada eta aldartea itsasten dio saio bakoitzari; albistegi, iragarki edo trafiko egoeraren presiorik gabe, alegia. Elkarrizketatuek ere igartzen dute nahi adina luza daitezkeela, eta akaso irrati konbentzionaletan esango ez lituzketenak helarazten dizkigute, fundamentuz. Baliteke Barruan gaude-k ez edukitzea irratiaren etiketa, baina beti-betiko irratia praktikatzen du.

Audiogintza, geroa Zuzeu-ren podcast plataformara batu dira beste hiru sail azkenaldian. Hamar minututan da horietako bat, non Maite Goñik baliabide digitalak eta hezkuntza uztartzen dituen, irakasleei erantzun praktikoak emanez. Bipareta da hirugarrena; Arrate Hernandezek gizarte gaiekin erreportajeak atontzen ditu, gonbidatuen laguntzaz. Eta Euskal Gaizkileak da azkena; Beñat Hach Embarekek zuzenduta, ahots talde batek euskal kriminal baten istorioa antzeztu digu saio bakoitzeko. Podcasta hitzetik hortzera dabilen formatua da, irratiak ba ote duen etorkizuna galdetuz gero. Behintzat, Zuzeu-k erakutsi digu profil jakin bateko entzulearen apetari erantzun diezaiokeela; esate batera, dialeko irratiak gertuko sentitu arren presakako bizimoduak zuzeneko emisioak entzutea galarazten dionari; edo eta, irrati konbentzionalen mugek (ideologikoak, menpekotasun komertzialak, formatu hertsiak…) atzentzen dutenari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joker liburu dendako postua atzo, Getxoko Santa Eugenia plazan. ©OSKAR MATXIN EDESA / FOKU

Getxo gero eta japoniarragoa

Amaia Igartua Aristondo

Azkenaldian igo egin da mangarekiko interesa, eta Getxoko Komiki Azokako postuetan nabarmena da ildo aldaketa hori. Euskarazko komikiak ere gehiago egin eta saltzen dira.
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.
 ©JAIZKI FONTANEDA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...