Albistea entzun

FREKUENTZIAREN GERIZPEAN

Alaia

Mirari Martiarena Iraola -

2021eko uztailak 11

Udarekin batera izaten ditu aldaketak irrati programazioak. Kurtso osoan aurkezle lanetan eta saio gidari dabiltzanek opor garaia izaten dute, eta irratietako programazioak aldaketak izaten ditu. Udan, guztiak hartzen du beste erritmo bat, eta saio guztiak izaten dira freskoagoak. Ideia hori izaten da behintzat; nahiz eta gauza gutxi gertatzen diren garaian ez den erraza saio freskoak egitea. Bereziki zaila iruditzen zait irratietan udako arratsaldeetako programak osatzea. Goizetako magazinetan kontatu litekeen ia guztia kontatzen dutelako. Euskadi Irratiko Baipasa saioa, Blaipasa bihurtu da, eta Unai Iradik asmatu du urte osoko ildoari freskotasuna ematen. Frantziako Tourreko lantaldea telonero dutela aritzen dira, saioaren hasieran txirrindularien erritmoak markatzen duela.

Udak beste erritmo bat du, eta udak ekarri du bigarren urtez Herritmia saioa Euskadi Irratira. Alaia Martin Euskal Herriko herri desberdinetan entzungo dugu; tokian tokiko kondairak, lanbideak, toponimia eta ohiturak ezagutzen lagunduko diguten lagunekin solasean. Saioaren sarreran, Alaia Martinek herrian kokatuko zaitu, GPS zehatzenak bezala, baina bere estilo eta begiradarekin, hitzekin dantzan. Mikel Belasko Onomastika Elkarteko kideak herriaren izenaren jatorria zein izan daitekeen azaltzen du, eta ondoren hasten dira herrien taupada zein den azaltzen elkarrizketa bidez. Polita da jendea bere herrian, kalean bertan, haur zireneko garaiei buruz hitz egiten entzutea: non jolasten ziren, herriko martxa zein zen eta orain zein den lehen eskutik jakitea. Alaia Martinen gidoiak bikain josita daude, Joxe Alkainen teknika eta errealizazioarekin. Aurtengoan, Mendaro, Bermeo, Zalduondo, Biriatu, Lekunberri, Iurreta, Usurbil, Ziburu, Arantza eta Irisarri.

Ederra da Alaia Martinek irratigintzari egiten dion ekarpena. Kurtsoan zehar, Faktorian egindako Hitz-pirazio tartea, adibidez. Hitzaren magoa, hitz jokoen malabarista, esamoldeen trapezista izan daitezke berari buruz esan nitzakeenetako batzuk. Hitzekin lan egiten, lantzen, errimatzen eta erritmotzen ohituta dagoela sumatuko du entzuleak Alaiak egindako saioetan. Herritmiaren ondoren emango dituzte Zubiak saioaren errepikapenak, nahiz eta ni saio berrien esperoen geratzen naizen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Juan Beistegi oso zintzoa zen bere buruarekin eta besteekin»

Jakes Goikoetxea

Altxor bat izan du esku artean: Juan Beistegi komandantearen memoriak, 1936ko gerran oinarrituak. Kontaketa soila, baina oso aberatsa.
Jose Otanoren bizi-heriotzen argitaratzaile Josu Aldai, Hernaniko hilerriko kriptan. ©ZALDI ERO

Oroitzapena eta Gorazarrea

Miel A. Elustondo

Elizgizon klaretarra zen Jose Otano Miqueliz nafarra. 1936ko urriaren 23an fusilatu zuten Hernanin, hainbat apaiz abertzalerekin bateratsu. Laurogeitaka urte geroago, kongregaziokidearen urratsak berregin ditu Josu Aldai Otxoa de Olanok (Agurain, 1944), Lergan hasi eta Hernaniko kripta izugarriraino.
<em>3 Ene kantak</em> saioko aurkezle eta pertsonaiak. ETB1en eta ETB3n ematen dute. ©ETB

Ene Kantak taldekoek marrazki berriak eskatu dituzte ETBrako

Urtzi Urkizu

Ene Kantak-ek bat egin du Pantailak Euskaraz egitasmoarekin. Babes handia jaso du egitasmoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.