Albistea entzun

UHINETATIK TIRAKA

Varela eta Goenaga Twitterren

Xabier Lasa -

2019ko ekainak 16

Cacho, egoki. Arrazoien kaxa bete-betea ekarri zigun Almudena Cachok atzo, Irantzu Varelarekin eta Arantxa Urretabizkaiarekin eduki ohi duen genero ikuspegiko A tres bandas solasaldira (Más que palabras). Alegia, bere onetik atera dela Barbara Goenagak eta Irantzu Varelak sare sozialetan edukitako xextraren osteko soka guztia; sanoa dela iritzi ezberdinak edukitzea eta eztabaidatzea, horrek egiten duela aberasgarri gizartea; eta, ulergarria ere badela Goenaga erasotua sentitzea, daukan senarra edukitzeagatik. Azkenik, Cachok adierazi zigun Goenaga gonbidatu egin zuela atzoko saiora, baina horrek uko egin ziola modu onean. Hona zer falta izan zitzaion Cachori, biribiltzeko: sare sozialetako kontuak nahi direnean ireki bezala nahi direnean ixteko aukera daukagula, pertsonala dela erabakia, eta publikoki iritziak edo kritikak plazaratzea erabakitzen duenak gogoko ez zaizkionak jasotzeko ere prest beharko lukeela egon.

Defentsarako minutua. Cachok minutua eman zion Varelari, bere burua defenda zezan. Eta horrek ere zenbait arrazoi ekarri zituen besapean: Goenagari termino zibilizatuetan egin omen zion kritika; kazetari den heinean, komunikabide askoren jokabidea salagarria dela uste du, ez diotelako erreplikarako eskubiderik eskaini; EITBko Boulevard irratsaioarekin eta Teleberri-rekin agertu zen haserre bereziki, xextrari emandako tratamenduagatik; ez luke normala izan behar «ez-dakit-nor» albiste bilakatzea, Twitterreko kontua eten duelako.

Arantxu gaiztoa. Varela minduta agertu zen ez delakoan justua planteatu dena: feminista-lesbiana-gaizto-ezkertiar-erradikalak komunikabide handien printzesari eraso egin dio, hori politikari jakin baten emaztea delako. Bada, antzeko eskema irudikatu zuten Pepa Bueno eta Mariola Lourido kazetariek SEReko Hoy por Hoy magazinean asteazkenean, Goenaga elkarrizketatu zutenean, Gatiburen Euritan dantzan atzean jarrita (hori bai bene-benetako albistea: estatuko irrati erraldoi batek euskarazko abestia aireratzea). Goenagari erabateko elkartasuna adierazi ostean, bi kazetariek Arantxu (sic) Varela ustezko feminista zela adierazi, eta sektarismoa, intolerantzia, inkisizioa eta jazarpenarekin identifikatu zuten. Oraingoz, Varelari ez diote ihardesteko aukerarik eman irrati horretan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©AXEROMUSIC

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.