Albistea entzun

UHINETATIK TIRAKA

Zenbakien anbiguotasuna

Xabier Lasa -

2019ko ekainak 2

Zenbakiak dantzan. SER katea bulartsu azaldu zitzaigun orain aurretik EGMren azterketa eskuetan zuela, esanez Euskadin «eztabaidan jarri ezineko audientzia liderra» zela eguneko ordu guztietan (222.000 SERek, eta 142.000 REk). Baina, ostiralez geroztik, REko Boulevard-ekoak ari zaizkigu matraka ematen CIESen ikerketaz baliatuta, beren irratsaioa Euskadin entzunena omen delako. Zenbakiak ez datozela bat. Baliteke audientzien neurketa ez izatea aritmetikaren zientzia, baina zenbakiak aldiro publikatzeko makineria da. Eta joko hori onesten dute irrati horiek.

Sinesgarritasuna jokoan. CIES eta EGMren zenbaki zaparrada erabil daiteke posizio onean agertzeko iragarle potentzialen aurrean. Baina entzuleei begira kopuruen gerran eta mezu kontrajarrien dinamikan sartuz gero, nahasmena eragin dezake; batik bat, biren entzuleengan. Izan ere, ikerketa etxeek emandako datu zehatzekin, nork bere paparrean ipini badu irabazlearen domina, fidatzekoak ote dira entzuleei errealitatearen kontakizuna egitera jartzen direnean?

EITB Musika. Irrati hori euskaraz emititzen duten irratien zakuan —EI eta Gaztearekin batera— sartzen du EITBk oharretan. Etxe horretako komunikazio bulegoak akaso ez, baina haren ustezko 25.000 entzuleek badakite elebiduna dela irratia, nahiz eta euskarak gaztelaniak baino presentzia handiagoa eduki.

Un kafe a la donostiarra. Eva Monente esatariak donostiarren tertulia zuzentzen du Donostiako SER katean, astelehenero (12:30-13:00). Txomin Arizmendi, Jesus Mari Alquezar, Pilar Romea eta Felix Perez dira solaskideak gehientsuenetan (Cristina Lagek orain aurretik utzi du taldea, Ernesto Gascoren zerrenda azaldu zenetik; ez denez zinegotzi atera, itzul liteke laster). Beren burua hiritartzat daukate, Donostiaren eta donostiarren interesei begiratzen dietenak, adinez erretiroa hartutakoak, eskarmentuaren ahots. Donostiako eta Gipuzkoako bozen emaitzak ikusita, Gipuzkoa osoan (baita Kontxako baranda konparazionetik ezin aparteago diren Leintz Gatzagan, Ataunen eta Mutrikun ere), hasperen sakon eta bateratu bat aditu genuen astelehenean: ordenak eta moderazioak irabazi du, lasai egon gaitezke. Besterik espero zitekeen, ala? Tertulia osatzeko profil jakineko donostiarrak hautatu diren unetik beretik...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

1 ©ENEKO SALABERRIA / EZEZAGUNA

Ezkilen hotsak badu ahotsa

Ainize Madariaga

Unescok ondare immaterialeko kultur ondasun gisa onartu du Espainiako Estatuko ezkilen eskuzko jotzea. Iruñeko katedraleko, Iurretako, Aretxabaletako eta Oiartzungo kanpai joleek eman dute beren lekukotasuna. Ipar Euskal Herrian ez da haboro ezkila jolerik atzematen.
 ©NATXO MATXIN EDESA / FOKU

«Gizakia anekdota bat da eboluzioan»

Naroa Torralba Rodriguez

Darwin txarto interpretatua izan da: eboluzioa ezin da ulertu espezie orok Lur planetan duen elkarrekiko dependentziarik gabe. Lotura hori erakusten du Ptqk-k zuzendutako Zientzia frikzioa erakusketak.

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...