Albistea entzun

UHINETATIK TIRAKA

Zerbitzu publikoa

Xabier Lasa -

2018ko uztailak 15

Trafikoko anomaliak. Monica Terribas Catalunya Radioko esatariak epaitegietan eduki duen azken pasartetik bi konstatazio behintzat aipa ditzakegu. Labur aipatzearren testuingurua: haren aurkako salaketa jarri zuten guardia zibilek, 2017ko irailean entzuleei Katalunian Poliziaren mugimenduak jakinaraztea eskatu omen zielakoan. Bere defentsan, kazetariak adierazi du sare sozialek zekarten informazioa jaso baino ez zuela egin. Bada, epaileak, salaketa artxibatu egin du, ez duelako lege hausterik ikusi. Lehenengo gogoeta: legea hautsi zen ala ez zen epaileak argitu behar zuena, eta ezetz esan du; baina hor non, komunikabide gehienen —espainiar unionismoan lerratuak denak, kasualitatez— titulu nagusien arabera, epaileak bere usteetatik abiatuta egiten duen oharkizuna da azpimarratzekoa, hots, etikoki arduragabeki jokatu zuela Terribasek. Bigarrengo gogoeta: gurera ekar dezakegu epaia, euskal esparruko irratien jakingarri. Alegia, askatasun publikoetan berez murriztailea den legedi espainiarraren arabera ez dela delitua antenan adieraztea, esaterako, guardia zibilek halako tokietan kontrola ipinia daukatela. Herritarrak aztoratzeaz gain hemen «nork agintzen segitzen duen» mezua zabaldu nahi duten trafikoko anomalia horiek non diren zehaztea zuzenean, zerbitzu publikotzat jo beharko lukete irratiek. Hizketan ari den gonbidatuari hitza moztu eta errespetua ukatu ondoren ordu erdiro ematen diguten informazio praktikoaren atalean kabituko litzateke, zalantzarik gabe.

Musu punk. Urtetan Bilboko Irola irrati libreko kolaboratzailea izan den Andoni Fernandez Azkaraik urrezko oparia eskaini digu oraindik orain. Bizkaiko punkaren historiako makina bat talde marjinalenen biografiekin egundoko liburua argitaratzeaz gain (Mierda de Bizkaia y sus grupos maketeros 77-89) horien maketak topatu, Irola irratian bertan digitalizatu eta guztion eskura jarri ditu sarean Bandcamp plataforman, nahieran entzuteko eran. Eta prozesu hori guztia, hots, libururako 60 elkarrizketa egin eta dokumentazioa bildu, liburu formaturako idatzi, liburua bera autoedizio gisa argitaratu, grabazioak banan-banan bildu, digitalizatu eta sarera igo… den-dena musu truk, punkari zor dion maitasun eta konpromisoagatik. Mutil horrek egin duena ez bada zerbitzu publikoa, esango didazue...

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.