FREKUENTZIAREN GERIZPEAN

Udazkenean, zientzia eskolak

Uxue Razkin -

2020ko urriak 4

Udazkena heldu da; zuhaitzak hostoberritu eta inguruko koloreak aldatu dira. Gorria, horia, laranja. Bada, COVID-19ak hemen jarraitzen du, Augusto Monterrosoren ipuin ezagunaren bertsio maltzur gisa. Pandemiak ez du etenik izan. Txertoen ikerketak aurrera doaz. Positiboak gora, positiboak behera. Zientzia, programazio-parrilan. Zientzia nahieran. Aurreko ostiralean, Norteko Ferrokarrila irratsaioan, Naiara Parraza Bioaraba Institutuko Metodologia eta Estatistika Unitatearen koordinatzailea gonbidatu zuten. Berriki abiatu du hark gidatzen duen taldeak sasoi honetako kezka nagusiari zuzenean heltzen dion ikerketa: ikusi nahi dute ea gripearen txertoak eraginik ote duen COVID-19aren infekzioan. Elkarrizketa hartatik ez nuen errezeta magikorik atera, haiek ere ez dutelako oraindik. Hori ere zientzia da.

Alabaina, gai garrantzitsu bat jarri zuten mahai gainean: zientzia egitea beharrezkoa da; are gehiago, hori komunikatzen jakitea. Parrazak berak aipatu zuen populazioari argibideak ematea giltzarria dela. Era berean, Guillermo Roa aurkezleari entzun nion zientziaren funtzionamendua ezagutu egin behar dugula pentsamendu kritikoa izateko.

Euskal Herriko irratiak ezari-ezarian ari dira lan horretan. Esaterako, Faktoria magazinea-n, Zientzia eta pazientzia atalean, tandem interesgarria osatzen dute Eneko Axpe zientzialariak eta Uxune Martinez Zabalkunde zientifikorako arduradunak Euskampus Fundazioan. Aurreko astean, COVID-19aren aurka garatzen ari diren txerto motak azaldu zizkigun lehenengoak, eta saio berean, zientzia audientziara gerturatzeko ahaleginetan, euriaren usainaz jardun zuen bigarrenak.

Zientzia bolo-bolo dabil irrati-plazan. Hori nabarmena da osasun krisia hasi zenetik. Arlo hori jorratzeko espazioak badaude, eta zientziazkoak ez diren txokoetan lekua egiten diote. Apunteak hartzeko garaia da; boligrafoa eta papera. Entzuleok, belarriprest. Beldurra uxatzeko unea da.

Horren harira, Pampa Garcia Molina SINC agentziaren erredaktore buruak Bioteknologiako Komunikatzaileen Elkarteko VI kongresuan esandakoa jaso zuen txio batean duela gutxi Jose A. Plaza kazetariak. Hausnartzekoa ematen du: «Ez dago zientziaz asko jakin beharrik kazetaritza zientifiko ona egiteko; kazetaritza ona egiten jakin behar da».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ANDONI CANELLADA / FOKU

«Handikeria anbizioa duenak asebete dezala kazetari hasi aurretik»

Enekoitz Telleria Sarriegi

Kroniken kontrakronikekin, Merinok 'Lo que puedo contar' liburua ondu du, kontatu nahi bai baina premiek eta presek kamustu zizkiotenekin: 42 urteko eskarmentua, hainbat herrialde eta 'bacalao'-ren istorioa.
Euskal Sagardoa jatorri izeneko arduradunak eta sagardogileak, atzo, Donostian egindako aurkezpenean. ©GORKA RUBIO / FOKU

Mahaira eta pitxerrera bueltan

Enekoitz Telleria Sarriegi

Otsailaren 5ean hasiko da ofizialki 2021eko sagardo denboraldia. Sagardo berria botila eta pitxer gardenetan zerbitzatuko dute mahaira; ez da zutik eta joan-etorrian txotx egiterik izango. Guztia atondu dute horrela, sagardotegiak segi dezan «sozializatzeko eta gustura egoteko leku bat» izaten.
Jorge Monje eta Barbara Rivas, <em>Altsasu</em> telesaileko aktoreak. ©ETB

Milioi bat herritarrek ikusi dute uneren batean 'Altsasu' TV3en

Urtzi Urkizu

Baleukok ekoitzitako fikzioaren lehen atalak %22,7ko ikusle kuota lortu zuen Katalunian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.