Albistea entzun

UHINETATIK TIRAKA

Zubeldiaren gola eskuadran

Xabier Lasa -

2020ko ekainak 14

Mattin Larzabal. Ekainaren 2an zendu zen Gure Irratian hiru hamarkadaz (1982-2012) esatari izan zena. Euskaltzale eta euskal kazetari kultuaren biografia aztertzen hasita, euskarazko irratigintza modernoaren hastapen eta garapenarekin egiten dugu topo derrigor. Jendea arretaz entzuteko gaitasuna eta entzulearenganako hurbiltasuna erakusteagatik Rikardo Arregi kazetaritza saria eman ziotenean, kasik orduan deskubritu genuen barkaziorik merezi ez dugun hegozentrista askok erretreta hartzear zela, hain justu. EITBko irrati publiko erdaldunaren albistegien obituarioan errazago eman diote tokia Rosa Maria Sardari edo Pau Donesi, Larzabali baino; samina haiekin adierazi da aiseago, gertuagokoak zaizkielako. Egunotan EAEn Kantabriarekin erakutsitako mugaz gaindiko estimazioa (Iparraldearekin edo Nafarroarekin ez bezainbat) anekdotatik harago doa.

Gertutik. Aiherrako kalakari libertarioaren nortasunera hurbiltzeko, ongi datozkigu Euskal Irratiek egunotan zintzilikatu dizkiguten zenbait testigantza, Janbattitt Dirassar eta Luzien Etxezarreta lankideekin. Nolanahi ere, zer hobe 30 urtez besteen kontakizunak aireratzea bokazio izan zuen esataria bere buruaz hizketan entzun ahal izatea baino? EIn, Bihotzeko fonoteka saioan, Nekane Peñagarikano esatariak eta biak 2018ko udan eduki zuten solasaldi sosegatua daukagu entzungai. Merezi du.

Hartu ala utzi. Hamar puxtarri Realeko Igor Zubeldia azkoitiarrarentzat, eredugarri eliteko kirolari euskaldunentzat. Berari egokitu zitzaion entrenamendu osteko adierazpen ezin transzendentalagoak egitea ostegunean, eta euskara hutsean egin zituen, telematikoki. Realaren azken albiste freskoekin prentsan orrialdeak edo uhinetan minutuak bete nahi izan zituen kazetari erdaldunari, hartu ala utzi, beste erremediorik ez zitzaion geratu. Eta kosk egin behar izan zioten amuari, normalki euskarari bizkar emanez dabiltzan zenbaitek. Esaterako, REn Kirolaldia (14:15-15:00) saioan euskarari ateak ireki zizkioten Julian Ugarte eta Asier Kareagak. Halatsu jokatu zuten Ser Deportivos Gipuzkoa (15:25-16:00) saioko Jorge Beristain eta Roberto Ramajo esatari giputxiek, San Sebastian irratiko entzule finen harrigarri. Aurrerapen txikia euskarazko irratigintzarentzat, historikoa SER bezalako irrati erdaltzale batentzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ENDIKA PORTILLO / FOKU

«Ondo gozatzea dagokigu, pribilegiatu batzuk baikara»

Unai Etxenausia

Txikien eguna ospatuko dute gaur Gasteizen. Berganzo eta Ferrera arduratuko dira aurten Edurne eta Zeledon Txiki antzezteaz. Andre Maria Zuriaren plazan izango da jaitsiera.
Arana Goiriren eskultura, Bilboko Albia lorategian. ©ZALDI ERO

«Bizkaia foral eta euskaldun bat baina arrazaz maketo, nardagarria izango litzateke»

Miel A. Elustondo

«Haren argibidez ni jabetu / enegan bazela norbait atxilotu. / Orduan jaitsi nauzu leizera; nork gure muinean dugun itzalera». Xabier Lizardi dugu, Sabino Arana Goiriren argibideei aitortza eginez. Beti guztion eskura Bilbon dela jakin dugularik, haraxe joan gatzaizkio galdezka, Albiako lorategietara. Gogoetagai ibili zituenetako batzuez jardun digu euskotar euskaldunak.
Zerua izarrez beteta Iruñeko Planetarioan, 2022ko pertseiden prentsaurrekoan. ©JAGOBA MANTEROLA / FOKU

Zeruko ikuskizunik ederrena

Ane Etxandi

Iruñeko Planetarioak irteera bat antolatu du abuztuaren 12an izar iheskorrak ikusteko; aurten Erronkariko bailaran izanen dira. Film berri bat aurkeztu dute, argi kutsaduraren ingurukoa.
Miren Urbieta-Vega soprano donostiarra kantuan ariko da. ©MICHAL NOVAC

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...