Albistea entzun

UHINETATIK TIRAKA

Bi parrokia, bi erlijio

Xabier Lasa -

2019ko irailak 1

Futbola futbola da. Zuzeneko bi erretransmisio eskaini zizkigun Onda Vascak herenegun, Athletic-Reala neurketarekin. Juanjo Lusa Gipuzkoarako aritu zen, eta Jose Manuel Monje irrati seinalea hartzen den gainerako tokietarako. Bi kontakizun, bi joko zelaitan ariko balira bezala; tristura eta ezkortasuna transmititu zen batean, alaitasuna eta baikortasuna bestean. Enpresa ikuspegi hutsetik, zaila da ulertzen bitasun hori, «baliabideen optimizazioa» dogmatzat hartu den honetan. Irratiak ere akaso aukera polita galdu zuen «bi aldeak» gustura sentitzeko moduko kontakizun partekatua egiteko, eta horrela helarazteko bi taldeen arteko lehia historikoaren —eta pasadizo zatitzaile patetikoen— gainetik senidetasuna nagusi dela. Horren ordez, irratiak bi parrokiak elikatu behar dituen mezua zabaldu zuen, inplizituki. Egia esan, bezperan bi esatariak mutur banatan jardunak ziren, Iñaki Williamsek mihi supiztailea zirkulazioan jarriaz geroztik. Lusarentzat, jokalariaren hitzak zorigaiztokoak («desafortunadas») izan ziren; Monje erabat identifikatuta sentitu zen horiekin.

Nor zertan. Aitor Perezek EIrako eta Aritz Agirrek RErako egin ziguten kronika bana Maria Txibiteren kargu-hartze ekitaldiaren gainean, abuztuaren 7an. Entzun ziren zenbait kontzepturekin (pluraltasuna, sentsibilitate aniztasuna, elkarbizitza, errespetua...) osatu zituzten euren kronikak. Eduki horri hizkuntzei eskainitako trataera gehitu zioten, esanez Txibitek gaztelania hutsez egin zuela hitzaldia. Perezek sakondu zigunez, Erribera interpretatu zuen Iruñeko Orfeoiaren eta parlamentuko presidente Unai Hualderen eskutik heldu ziren euskarazko hitz bakanak. Normaltasun osoz hartu beharko baikenituzke halako kronika politikoetan, eta baita bestelakoetan ere, hizkuntzaren trataerari buruzko erreferentziak. Errealitatea desitxuratzea baita, esaterako, ordubeteko ekitaldi batean euskaraz egin diren bizpahiru esaldiak jasotzea kronikan, ezkutatuz gainerakoa erdaraz izan dela.

Arrazoiketari tiraka. Agirrek zera ere adierazi zigun, Erribera abestiak Nafarroako pluraltasuna islatu zuela, alegia. Korrektoki jokatzeaz gain, jantzi egin zuen kronika, datu hori erantsita. Hori bai, arrazoinamendu berbera aplikatuz adierazi izan balu Txibitek ez zuela Nafarroako pluraltasun linguistikoa errespetatu?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Erroskillak, opilak eta kordoiak nagusi, San Blas azokan. ©MONIKA DEL VALLE / FOKU

Kordoiak eta pankartak

Olatz Silva Rodrigo

San Blas azokak 76 ekoizle eta 160 abelburu elkartu ditu Abadiñon. Goizetik bildu da jendetza, ekintzaz betetako programazioaz gozatzeko. Protesta egiteko eguna ere izan da.
Herritar bat, Gasteizko Arriaga parkean. Barruko eraztun berdearen parte da eremu hori. ©ENDIKA PORTILLO / FOKU

Eremu berdeetatik egotziak

Amaia Igartua Aristondo

Azpiegitura berdeek etxebizitzen prezioa garestitu dezakete, eta, hala, goi klaseko bizilagunek ordezka ditzakete langile klasekoak. Prozesuari 'gentrifikazio berdea' deritzo, eta jada gertatu da munduko hiri batzuetan.
Gorka Rico eta Javi Rivero, Tolosako Ama jatetxeko sukaldariak. Ama jatetxea lekuz aldatuko dute aurten. ©JON URBE / FOKU

«Herritarrek saria eurena balitz bezala sentitu dute»

Amaia Jimenez Larrea

XXI. Madrid Fusion kongresuaren sukaldari berririk onenen saria jaso zuten joan den astean Javi Riverok eta Gorka Ricok. Oraindik ere oihartzun mediatikoa gainditzen ari direla esan dute.
 ©DEAR EDWARD

Hutsunearekin bizitzen ikasten

Mikel Yarza Artola

'Dear Edward' telesailean hegazkin istripu batetik bizirik irten den mutiko bat da protagonista. Hamar ataleko drama bat da, eta Apple TV Plusen dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...