Albistea entzun

UHINETATIK TIRAKA

Eman hitza bazterrekoei

Xabier Lasa -

2019ko urriak 27

Gizarte zientzialaria. Manuel Lekuona saria eman diote Xabier Amurizari, mila ofizioko erudituari. Aitormena Eusko Ikaskuntza erakunde zientifiko-kulturalak egin izanak poztu duela aitortu du. Berea ere grina zientifikoa izan omen delako, gizarte fenomenoak argitu nahian. Buruz eta osasunez bikain dela, lanerako gogoz, esan zion Manu Etxezorturi aurrekoan. Eskarmentua eta memoria kiloka pilatzea eta guztiaren transmisiogile egokia izatea gutxiren esku dago. Hamabostean behin, Carlos Cid, Nerea Ibartzabal eta hirurak aktualitatea astintzeko biltzen dira Euskadi Irraiko Faktoria Magazina-n. Sakelakork gabeko bi heldu eta sare sozialetara itsatsitako gazte bat. Etzi dagokio txanda hirukoteari, 11:25etik aurrera.

Espainia halakoa da. Francok, milaka herritarren odola isuriz, boterea eta izugarrizko ondasun ekonomikoa lortu zituen 40 urtetan. Ondorengo demokraziako 45 urteetan, bere familiak ondasun horrekin guztiarekin jarraitu ahal izan du, eta gainera, ondare-pilatzailea ohorezko leku publikoan leku pribilegiatu batean eduki du lurperatuta, bere biktimak alboan, anonimatu iraingarrian ziren bitartean. Gorpuzkiak atera dituzte handik, estatu hileta solemnearen itxurako ekitaldian. Espainia erretratatu zaigu era horretan. Nahiz eta SER eta familia mediatikoko beste kideek —El País eta La Sexta batik bat— bitarteko guztiak erabili mezu jakina helarazteko, hots, Espainiako demokraziak herritar ororekin errespetuz eta duintasunez jokatzen duela.

Biktimen hitza. Cuelgamurosko mausoleo faraonikoan lurperatu zuten Lukas Ugarteren iloba Karmele luze eta zabal aritu zen Nagore Telleriarekin, Amarauna saioan, atzo; justizia eske jardun zuen, frankismoak bazterrean hilobiratu eta demokraziak leku berean daukan osabaren alde. Gogora Institutuko zuzendari Aintzane Ezenarrok ere hitz egin zuen, saio berean. Arren, politikoak nahi adina mintza daitezela, baina aldi berean, hartu dezatela hitza eta protagonismoa biktimek, atzokoaren antzera; are gehiago, diktadorearen momiaren lekualdatzeak ezkutatutako errealitate bat azaleratu duenean. Izan ere, EITBn, biktimak entzuteko prestutasuna iraganeko kontakizun entretenigarriak diren heinean hasi eta bukatu baita maiz. Justiziaren eskakizunak eta boterearekiko kritikek ezinegona sortu izan dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Dulantzi ibaiko ubidea (Araba). ©JAIZKI FONTANEDA / FOKU

Ubideak, animalientzako etsai

Amaia Ramirez de Okariz Kortabarria

Hainbat animalia ubideetara erori eta atera ezinik gelditzen dira; Dulantzi ibaiko ubidean, esaterako. Herritarrek eta ekologistek kasuok salatu dituzte, eta gaia Arabako Fiskaltzara ere iritsi da. Gasteizko Udal Uren esku dago ubidea, eta azaldu dute «irtenbide egokiak» bilatzen dabiltzala.

<em>Teknopolis</em> saioko lantaldea atzo Mondragon Unibertsitatean egindako aurkezpenean, Arrasaten. ©ELHUYAR

Asteburuan hasiko da 'Teknopolis', koronabirusaz haragoko gaiekin

Ainhoa Larretxea Agirre

Zientzia eta teknologia lantzen dituen dibulgazio saioak 24. denboraldia du

 ©MONIKA DEL VALLE / FOKU

«Lan hau berrespen bat da: gauzarik txikienak izan daitezke bitxienak»

Amaia Ramirez de Okariz Kortabarria

Erabaki arrazional bat hartu ordez, intuizioari jarraitzeko hautua egin zuen Apodakak, eta horrela osatu du bihar Laudion aurkeztuko duen erakusketa: 'Toys'. Harribitxiekin osatutako daga bereziak egin ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna