Ospeletik aldendu nahi du Realak, Anoetan Betis mendean hartuta

Jon Ander De la Hoz -

2019ko apirilak 4
Saririk ematen ez duen postuetan amaitzeko arriskuan da Reala. Hori saihestu, eta ezerezaren itzaletik Europaren argira egiteko aukerei heldu nahi diete txuri-urdinek, gaur, Anoetan. Horretarako, Betis mendean hartu beharko dute gaur, eta hori eginda azken hiru partidetako joera irauli.

Bi taldeak paretsu iritsiko dira neurketara; espainiarrak postu bat gorago daude sailkapenean, hiru puntuko abantailarekin, eta gora begira jarri nahi dute berriz ere.

Donostiarrek, berriz, Valladoliden emandako itxura hobetu behar dute aurkariak mendean hartzekotan. Bide horretan, Imanol Alguacilek ezingo du Januzaj zelairatu; ezker belaunean mina baitu. Lesionatuta dago ere Zurututza. Aldiz, partida bateko zigorra bete du Merinok. Okerrik ezean, hasieratik ariko da, jada osatu den Willian Jose bezalaxe.

REALA-BETIS

Reala. Rulli; Zaldua, Aritz Elustondo, Diego Llorente, Aihen Muñoz; Zubeldia, Merino, Pardo; Oiartzabal, Willian Jose eta Juanmi.

Betis. Pau Lopez; Barragan, Mandi, Bartra, Sidnei,Tello; Guardado, Canales, William Carvalho, Jese; eta Loren.

Epailea. Medie Jimenez.

Lekua. Anoeta (29.000 ikusle).

Ordua. 21:30ean (Gol).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna