FREKUENTZIAREN GERIZPEAN

Terrorezko filma

Uxue Razkin -

2020ko azaroak 8

Egunotan, Ameriketako Estatu Batuetako hauteskundeak izan dira protagonista uhinetan. Asteazken goizean, irratia piztu, eta nire harridurarako, Donald Trumpek bere burua garailetzat jo zuen, oraindik boto guztiak zenbatu gabe zeudenean. Lehenengo plot twist-a, ikuskizuna ziurtatua. (Dis)topikoa.

Euskadi Irratiko Faktoria albistegiak zein Radio Euskadiko Boulevard-ek girotu ziguten goiza elkarrizketa, analisi eta iritzi andanarekin. Saio bietan, «tentsioa, emozioa eta ziurgabetasuna» azpimarratu zuten, behin eta berriro, AEBetako irudia islatzeko ahaleginean. Hauteskunde gau adierazgarri horretan, hirien atmosfera «fantasmagorikoa» zela esan zuen Azara Palomeque Princetongo Unibertsitateko doktoreak Boulevard-en; kaleak hutsik «gau amerikarrean». Terrorezko pelikula baten hitzaurrea zatekeen: zerbaitek eztanda egingo duen esperoan bageunde bezala, zer datorren ez dakigula.

AEBetako bozak izan zituzten hizpide SER kateko Hoy por hoy irratsaioan ere. Astelehenenean, Edurne Portelarekin eta Mikel Reparazekin izan zen Angels Barcelo saioko gidaria. Atsegina izan zen hiruren arteko solasaldia, herrialdearen argi-ilunak aztertuz. Besteak beste, Arbizukoak argiro azaldu zuen egoera: «Bi herrialde daude une honetan; bi film ezberdin ikusten ari dira bi aretotan sartuta». Indar handiko irudia.

Las grietas de América kazetariaren liburu berriaz ere mintzatu ziren. Berak azaldu moduan, «arrakalak denboran luzatu dira: arrazaren gatazka, desoreka, pobrezia... eta horiek nabarmenagoak dira Trump presidentea denetik». Amesgaiztotik gehiago ametsetik baino.

Beldurraz mintzo ziren Radio Euskadiko Graffiti saioan, astelehenean. Zehatz-mehatz, pelikula batean baliatzen den musikak daukan pisua aztertu zuen Nerea Alberdi konpositoreak. Terrorezko eta misteriozko filmetako soinu-banda eredu izanik, perkusiozko musika tresna batzuk azaldu ez ezik, tresna horietako baten barruan murgildu ere egin gintuen. Xilofonoa, bibrafonoa, krotaloa... eta bitartean dardarka ote entzuleak? Izuak izu, esperientzia dibertigarria izan zen, eta irakaspenez josia. Halaber, bereziki laket izan zitzaidan musikagileak esandakoa: «Edozein irudiren esanahia alda dezakezu halako musika bat jartzen badiozu». Eta AEBetako hauteskundeei, zer soinu banda darie?

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Arduraz komunika dezagun

Antxeta irratiak ‘Arduraz komunika dezagun’ dokumentala egin du

Urtzi Urkizu

Hedabideen hizkuntzaren erabilera aztertu dute Euskal Herrian herri ekimenez sortutako hedabide batzuetako zenbait emakumezko kazetarik, berdintasunaren ikuspegitik. Dokumentala ikusgai, albistearen barruan.

 ©JAIZKI FONTANEDA / FOKU

«Neure buruarekin hobeto sentitzen naiz gitarra jotzen dudanean»

Jone Arruabarrena

Gasteizko Oihaneder Euskararen Etxeak antolatutako 'Egin leku' gazteentzako musika deialdiaren irabazleetako bat da Zulaika. Azalera taldea atzean utzita, bakarlari dabil orain.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.