Noiz sortua: 2019-04-10 00:30:00

Euskal Herriko Itzulia. ANALISIA

Korapiloa beharrezkoa da

Imanol Magro Eizmendi -

2019ko apirilak 10

Euskadi-Muriasek eskua luzatu dio Euskadi Fundazioari, eta atea ireki dio gizonezkoen eliteko euskal txirrindularitzari. Atea irekitzeak ez du esan nahi sartuko direnik, baina sare sozialetatik bueltaxka bat ematea edota Itzuliko irteera eta helmugetan gaia ateratzea nahikoa da jakiteko zaleek bat egite hori desiratzen dutela. Euskal txirrindularitzak eliteko bi talde behar ditu. Emakumezkoena Bizkaia-Durangoren inguruan eraiki daiteke, eta gizonezkoena bat egite horretan sustraitu beharko litzateke. Zehar kalteak izango dituela jakinda, zaila izango baita txirrindulari, langile eta laguntzaile guztiei tokia egitea.

Euskadi-Murias eta Euskadi Fundazioaren arteko harremana ez da ona izan. Lur azpiko sokatira-dema batean bizi izan dira azken urteetan. Orain, baina, iraganeko ozpina irentsi, ezinikusiak lurperatu, eta korapilo bat egin behar dute tenkatua izan duten soka horrekin. Muriasek Itzuliaren bozgorailua erabili du negoziazio prozesua aireratzeko, Mikel Landa fundazioko presidentea erlojupeko erabakigarri bati ekin aurretik arrabola egiten ari zen bitartean. Agian ez zen unerik egokiena ardura publikoki fundazioaren gain uzteko, baina, gerora begira, anekdota huts gisa gelditu beharko luke horrek, Muriasen moduko babesle onak ez baitira betiko, eta Euskal Herriak Kontinental Profesional mailan lehiatuko den harrobi egitasmo sendo bat merezi baitu.

Fundazioak du orain azken hitza, eta hark ezarriko du balizko bat egitearen erritmoa, baina, dirudienez, negoziazioak aurreratuta daude, eta izenaz haratago iritsiak dira. Euskadi Muriasen eta fundazioaren sokatira demak bi urte iraun du. Ez dira izan urte galduak, baina ezta behar bezala baliaturikoak ere. Bat egiteak erakunde publikoak berpiztu beharko lituzke, eta haien gorputz diplomatikoak martxan jarri demako sokaren gainean ekilibrismorik egin behar izan gabe. Lehia horrek ere ez die lagundu babesle zalantzatiei, zeinak igogailuen antzera gora eta behera ibili baitira edo itzuli handietan tokirik izan ez duten atzerriko txirrindularitza proiektuetan kopuru handiak inbertitu baitituzte. Haiei ere badagokie apustu egitea, horrelako marka pribatuek egin baitute handi euskal txirrindularitza.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Auto bat errepidean, Larragan (Nafarroa). ©Jesus Diges / EFE

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoak ez izatea berdinak», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen hazi da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna