Albistea entzun

Alavesek sari lasaigarria lortu nahi du kezkak hartutako liderraren aurka

Eñaut Agirrebengoa -

2021eko martxoak 21

Urduri dago Alaves: hiru jardunaldi daramatza jaitsiera postuetan, eta azken bost partidetatik ez du bakar bat ere irabazi. Garaipenak eskuetatik egin zion ihes Betis eta Cadizen kontra, eta, etsiak jota, hotzikara nabaritzen hasia da. Bere txarrean, susperraldi zantzuak erakutsi ditu azken bi neurketetan, eta argi printzak bristada bihurtzen ahaleginduko da gaur, Atletico Madrilen zelaian.

Erronka ez da nolanahikoa: ligako liderra da Diego Pablo Simeoneren taldea, eta Alavesek ezin izan du garaitu 2017an Lehen Mailara itzuli zenetik. Hargatik, Abelardo Fernandezek uste du arretari «%200ean» eutsi beharko diotela Wandan saria eskuratzeko. «Ez badugu jokatzen haien intentsitate berarekin, gainetik pasatuko zaizkigu», azaldu du arabarren teknikariak.

Ez du uste taldeak goitik behera itxuraldatu behar duenik, oso dinamika petralean egonagatik. «Puntu gehiago lortzea merezi izan dugu azkenaldian, eta seinale ona izango da Betis eta Cadizen kontra marraztutako ildoari jarraipena ematen badiogu». Hala ere, garesti ordaindu dituzte banakako akatsak, eta halakoak inor gutxik ez bezala baliatzen ditu Atleticok. Hilabeteak daramatza lider, baina badu buruhausterik: Europatik at geratu berri da, eta Ligan txakalaldia ari dezaten; gerturatu egin zaizkio Bartzelona eta Real Madril.

Abelardok berregituratu egin beharko du zelai erdia, zigortuta baitaude Pina eta Manu Garcia. Litekeena da haien lekua Battagliak eta Ponsek betetzea.

ATLETICO MADRIL-ALAVES
Atletico Madril. Oblak; Trippier, Savic, Gimenez, Hermoso, Carrasco; Marcos Llorente, Koke, Lemar; Correa eta Luis Suarez.
Alaves. Pacheco; Ximo Navarro, Laguardia, Lejeune, Duarte; Battaglia, Pere Pons, Battaglia, Luis Rioja; Edgar eta Joselu.
Epailea. Martinez Munuera.
Lekua. Wanda Metropolitano.
Ordua. 18:30 (La Liga).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JAGOBA MANTEROLA / FOKU

«Partida batera, Athleticek irabaz diezaioke Bartzelonari»

Aitor Manterola

Badaki zer den Espainiako Kopa irabaztea Athleticekin: entrenatzaile zen 1984ko finalean. Aukerak ikusten dizkio taldeari kopa lortzeko, baina sinetsi egin behar dutela dio. Klubaren egungo bidearekin baikortasun gutxiago dauka.
 ©JAIZKI FONTANEDA / FOKU

'Klik' egin dio buruak

Julen Etxeberria

Garoa Martinez bermeotarrak bost uste eskas daramatza halterofilia egiten, eta sekulako garapena izan du: Euskadiko eta Espainiako txapelduna da, eta hamalaugarren izan berri da Europako Txapelketan. Hain zuzen ere, handik bueltan erabaki du «aurrerapauso bat» eman nahi duela.
Jokin Altuna, finalerdietako ligaxkarako sailkatu berritan, herenegun, Iruñean. ©IÑIGO URIZ / FOKU

Baita hirugarrenean ere

Julen Etxeberria

Elezkano-Zabaleta eta Altuna-Mariezkurrena ariko dira larunbatean Iruñean, eta Peña-Albisu eta Ezkurdia-Galarza igandean Logroñon

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.