Albistea entzun

Real Madril 80 Baskonia 73

Azken laurdenean erori da

Baskoniak itxura ona eman du Espainaiko Superkopako finalean Real Madrilen aurka, baina ez da nahikoa izan. Askotan aurretik egon da, baina ez du jakin errenta kudeatzen
Baskoniako Ilimane Diop, barneraketa bat egiten ahalegitzen, Gustavo Ayon Real Madrilekoa aurrean duela.
Baskoniako Ilimane Diop, barneraketa bat egiten ahalegitzen, Gustavo Ayon Real Madrilekoa aurrean duela. O. CORRAL / EFE Tamaina handiagoan ikusi

Ainara Arratibel Gascon -

2018ko irailak 23

Real Madril. Causeur (1), Llull (15), Tayol, Randolph (8), Tavares (7), —hasierako bostekoa— Rudy (4), Campazzo (13), Reyes, Carroll (5), Deck (2), Prepelic (13) eta Ayon (12).

Baskonia. Granger (5), Janning (2), Shields (14), Xengelia (12), Poirier (11) —hasierako bostekoa— Vildoza (5), Voigtmann (2), Huertas, Diop (11), Garino (5) eta Hillard (6).

Markagailua: 20-21; 42-44—atsedenaldian— 61-62; 80-73. Epaileak Hierrezuelo, Pizarro eta Perez Perez. Ez dute inor kanporatu. Bestelakoak. 5.314 ikusle Fontes do Saren .

Sasoiko lehen txapelketa dela kontuan hartuta, Baskoniak ez du itxura txarra eman Espainiako Superkopan. Finalerdietan Bartzelona mendean hartu eta gero, atzo finalean estu hartu zuten Real Madril. Pedro Martinezen taldea askotan aurretik egon zen markagailuan, eta jokoaren ekimena izan zuen. Baina, azken laurdenean, behera egin zuen, eta Pablo Lasoren taldeak ez zuen barkatu. Hala, Real Madrilek eskuratu zuen kopa.

Normala ere bada atzo Baskoniari gertatu zitzaiona. Jokalariak sasoia hartzen ari dira oraindik. Aurreko denboraldian ikusi zen bezala, joko antolatzaile postuan du gabeziarik handiena Baskoniak. Ez Granger, ez Huertas, ezta Vildoza ere ez ziren gai izan jokoaren erritmoari eutsi eta Pedro Martinezen taldeak zuen errenta kudeatzeko. Gabezia hori ederki baliatu zuten Llullek, Causeurrek eta Campazzok. Gainera, Tavaresek min handia egin zien beste behin uztaipean.

Atzoko partidatik ikastea besterik ez zaio geratzen Baskoniari, behin baino gehiagotan jokatu beharko baitute elkarren aurka sasoian: ACB Ligan, Euroligan eta, zozketaren eta emaitzen arabera, Espainiako Kopan.

Baskoniak ez zuen ondo hasi neurketa. Llull eta Tavares lotu ezinda aritu ziren arabarrak, eta Real Madrilek partidako lehen errenta esanguratsua lortu zuen 14-8 (6. min). Poirier izan zen Baskoniaren mehatxu bakarra lehen minutu horietan. Jokalari hotza da frantziarra, baina txapelketa honetan erakutsi du sasoiko ekin diola denboraldiari. Lehen laurden horretan zortzi puntu sartu zituen. Pedro Martinezek aulkia mugitu zuen, eta Diop eta Huertas atera zituen. Orduan hasi zen partidan sartzen Baskonia, eta, pixkanaka, errenta txikitzen.

Hala, bigarren laurdenean Diopek berak sartutako hiruko batekin estreinakoz jarri zen aurretik Baskonia: 22-25. Defentsan gehiago estutzeak ere izan zuen eragina, Tabares gabe Poirier eta Xengelia nagusi zirela uztaipean.

Hala, Baskoniak 2-11ko partziala egin zuen, eta zortzi punturen errenta ere lortu zuen: 28-36 (16. min). Baina berehala erantzun zuen Real Madrilek, 12-0eko partzialarekin. Partidako unerik parekatuenak izan ziren. Atsedenaldiko emaitza izan zen horren seinale: 42-44.

Bigarren zatian, Baskonia ondo atera zen , eta berriro ere errenta polit bat lortu zuen: 50-56 (27. min). Baina Pablo Lasok Prepelic kantxaratu zuen orduan. Esloveniarra jokatu gabe zegoen artean, baina zazpi minutuan 13 puntu lortu zituen, eta 69-64 jarri zuen aurretik berriz Real Madril (33. min).

Azken laurden horretan hobeto kontrolatu zuen partida. Orkatila bihurritu arren, Campazzok hartu zuen lehiaren aginte makila; Baskoniaren joko antolatzaileak ez ziren gai izan hura geratzeko. Eta, hark sartutako hiruko bati esker, Lasoren taldeak ia erabakita utzi zuen partida: 74-68 (35. min). Hark lapurtutako bi baloiri esker ailegatu ziren, gainera, Real Madrilen azken bi saskiratzeak.

Laurden horretan Baskoniaren erasoko ekarpena hutsala izan zen. 11 puntu baino ez zituen sartu Pedro Martinezen taldeak, eta hori Real Madrilen edo halako talde baten kontra garesti ordaintzen da. Laurden horretan egon zen partidaren gakoa. Hor nabaritu egin zen Real Madrilek talde zabalagoa duela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Eibar eta Alaves Ipuruan jokatu zuten derbian, duela bi larunbat, hainbat jokalari adi daudela, baloia norengana joango. ©JAIZKI FONTANEDA / FOKU

Balu, balitz eta balego

Aitor Manterola Garate

Azken bi partidak irabazten baditu, Realak Europa ligan jokatuko du datorren sasoian. Alavesek bihar lor dezake mailari eustea. Eibarrek zailago dauka
Emma Hayes Chelseako entrenatzailea, Svenja Huth Wolfsburgeko kapitaina agurtzen, Txapeldunen Ligako final-laurdenetako itzulikoan. ©SZILARD KOSZTICSAK / EFE

Kontzientziari segituz heldu da

Jon Ander De la Hoz

Emma Hayesek Txapeldunen Ligako finalerako sailkatu du Chelsea, estreinako aldiz. 2009az geroztik, final bat entrenatzaile nagusi postuan bizi izango duen lehen andrea da.
Caleb Ewan, nagusi, atzo, Giroko zazpigarren etapan. ©LUCA ZENNARO / EFE

Jada neurria hartu dio

Julen Etxeberria

Caleb Ewanek bigarrenez irabazi du Italiako Giroan, eta Attila Valterrek eutsi egin dio maglia arrosari. Goian bukatuko da gaurko etapa
Joseba Ezkurdia, binakakoan jokatutako partida batean. ©IDOIA ZABALETA / FOKU

Ezkurdiak nagusitasun osoz irabazi dio Peña II.ari: 22-6

Berria

Arbizukoak Altuna izango du aurkari final-laurdenetan. Gaur, Zabaletak eta Arteaga II.ak jokatuko dute Iruñean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.