Albistea entzun

BAKARRIZKETA

Metabertsotik kaleratuak

Mark Zuckerberg.
Mark Zuckerberg. META / EFE Tamaina handiagoan ikusi

Irune Lasa -

2022ko azaroak 13

1 Ez da gauza bera erosketak saltokietan egitea edo online. Kalera irten, dendaz denda ibili, jendez inguratuta... Jakinekoa zen hori itzuliko zela pandemiaren ostean; animalia sozialak gara. Animalia sozialak... Batzuk gehiago eta besteak gutxiago. Hain zuzen, Mark Zuckerberg ez da ezaguna bere jendetasunarengatik. Beharbada, horregatik, harentzat ustekabea da jendea atzera saltoki fisikoetara itzuli izana eta, ondorioz, merkataritza elektronikoak pandemian izandako hazkundea nabarmen moteldu izana. «Gauzak ez dira joan nik espero nuen moduan, edo denok nahi genuen moduan», azaldu du aste honetan.

2 Baina, Facebooken, berez, ez da salerosketarik egiten, ezta? Ezta Instagramen eta WhatsAppen ere, eta ez da ahaztu behar Meta haien jabea dela. Egia da merkataritza elektronikoa ez dela Metaren diru iturri nagusia, baina bai iragarkiak. Pandemia garaian, erosleengana iristeko, sare sozialetan gastu handia egin zuten tamaina guztietako negozioek; baina orain, saltoki fisikoak abian dituzte, eta, aldi berean, kontsumoa murriztu du inflazioak, eta kalte egiten die. Hots, iragarkietara eta sare sozialetara —eta Metara— diru gutxiago doa.

3 Izango dira, bada, horri aurre egiteko gai; ez da Zuckerberg munduko gizonik aberatsenetakoa? Hein handi batean, Metak zenbat balio duen, horren araberakoa da Zuckerbergen aberastasuna. Eta aste gutxitan Metaren merkatu kapitalizazioa 700.000 milioi euro murriztu denez, eta Zuckerberg Metaren %13ren jabea denez, dirutza galdu du; gutxienez, 88.000 milioi euro. Jakina, gainerako akziodunak ere ez daude pozik, besteak beste, Meta errealitate birtualean, metabertsoan, egiten ari den ahaleginak ere ez dirudielako fruitu askorik ematen duenik.

4 Arazoak meta-tzen ari zaizkie, orduan. Txantxak egin daitezke, bai; baina Metak 11.000 langile kaleratuko ditu, bere langile taldearen %13. Hori ere jakinarazi du Zuckerbergek aste honetako batzarrean, eta gaineratu inoiz egin duen deirik zailenetako bat zela.

5 Deia? Bai, erabakiaren berri Zoom bidez egindako batzar batean eman du.

6 Dedio! Hori ere Internet bidez... Zer pentsatua ematen du, ezta? Metabertsoan ez da errazagoa izango langile bat botatzea? Nola sentituko ote da langile bat metabertsoko abatar batek kalera doala jakinarazten dionean?

7 Ene... Badaezpada, hobe bertsotan edozein metabertsotan baino.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

URAK EZ DARAMATZAN ARAUAK

Imanol Magro Eizmendi

Kontrolatu al daiteke langileek komunean pasatzen duten denbora? Tarte hori atsedena da, edo lan denbora? Legezkoa al da baimena eskatu behar izatea? Legeak laneko komunerako bueltak nola arautzen dituen aztertu dute zenbait adituk, eta horrekin lotutako auziak eta lan gatazkak azaldu.

LABen elkarretaratzea Donostian, lan ikuskaritzak salatutako tabernaren aurrean ©Gotzon Aranburu (Foku)

Ostalaritzako «lan esplotazioa» salatu du LABek

Berria

Sindikatuak elkarretaratze bat egingo du Donostian atxilotutako enpresaburuen jatetxe baten aurrean.

Robert Habeck Alemaniako Ekonomia ministroa, iragan astean. ©FILIP SINGER / EFE
LABeko kideak, Sernaren atarian. ©LAB

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.