Haro 1-2 Osasuna

Berandu, baina garaiz

Osasunak asko kostata irabazi dio Harori. Suspertu egin da azken txanpan, eta emaitza irauli. Chimy Avila erabakigarria izan da berriz
Osasunako jokalariak, Chimy Avilaren gola ospatzen, atzo, Haron. Gol horrek eman zion garaipena.
Osasunako jokalariak, Chimy Avilaren gola ospatzen, atzo, Haron. Gol horrek eman zion garaipena. ABEL ALONSO / EFE Tamaina handiagoan ikusi

Eñaut Agirrebengoa -

2020ko urtarrilak 12

Golak. 1-0: Mikel Buenok (73. min.). 1-1: Nacho Vidalek (75. min.). 1-2: Chimy Avilak (90. min.). Epailea. Del CerroGrande. Txartel horiak Haroko Oscar Lozari eta Armando Corbanali; eta Osasunako Juan Villarri. Bestelakoak. 3.800 ikusle inguru El Mazonen.

Osasunak egin beharrekoa egin zuen atzo, Espainiako Kopako bigarren kanporaketa gaindituta. Nahitaez irabazi behar zion Espainiako Bigarren B Mailako Harori, eta ez zuen hutsik egin. Hori bai, izerdiaren bidetik sailkatu zen final-hamaseirenetarako. Espainiarrak oso aurkari deserosoa izan ziren, eta ataka estuan jarri zuten Iruñeko taldea. Azkenera arte borrokatzera behartu zuten, 72. minutuan aurrea hartu ostean. Neurketa eskasa egin zuten gorritxoek, baina, bederen, garaiz itzali zuten sua, azken ordu laurdenean emaitza iraulita. Suhiltzailea, nola ez, Chimy Avila izan zen: hark sartu zuen garaipenaren gola, arauzko denbora amaitzear zela.

Ezustekoei bide ez ematea eta kanporaketa ahalik eta errazen gainditzea zen nafarren asmoa. Horregatik, osoki lehen taldeko jokalariz osaturiko hamaikakoa zelairatu zuen Jagoba Arrasatek. Asko ordezkoak ziren, baina taldeak bazuen nahikoa berme bi maila beheragoko talde bati arazo handiegirik gabe irabazteko. Ordea, futbolean ez du beti indartsuenak irabazten, eta Harok desafio egin zion logikari. Jokamolde sendo eta oldarkorra erabili zuen horretarako. Gorritxoen gainean egon zen une oro, eta, horri esker, teorian aurkariarekiko zuen desabantaila gutxitu zuen.

Osasunak agintari ekin zion neurketari, baloia bere eginda, baina sekulako arazoak izan zituen espainiarren arean arriskua sortzeko. Argitasuna falta izan zitzaion azken metroetan, eta, hala, ezin izan zuen desegin aurkariak ehundutako amauraun trinkoa. Hamargarren minutuan, baloia sarera bidali zuen Juan Villarrek, baina gola baliogabetu zuen epaileak, aurrelaria jokoz kanpo zegoelakoan. Hortik aurrera, Unai Garciak korner batean buruz egindako errematea izan zen lehen zati osoan gorritxoek eduki zuten gol aukera ia bakarra.

Hori gutxi balitz bezala, akats inozoak egin zituzten baloia atzetik ateratzean, eta, hala, Juan Perezen ate ingurura iristeko aukera eman Harori. Esaterako, 21. minutuan: Joseba Garciak gora errematatu zuen plantxaz. Beste arrisku jokaldi batzuk ere izan zituzten etxekoek, baina azken pasean asmatzea falta izan zitzaien.

Haroren poz iragankorra

Nafarrak kezkatzen hasiak ziren, eta estutu egin zuten atsedenaren ondoren. Lehen gola sartzear izan ziren 55. minutuan, baina langarekin egin zuen topo Meridak faltaz egindako jaurtiketak. Minutuen joanean, partida lehen zatiaren tankera hartuz joan zen, eta Haro balentrian sinesten hasi. Are gehiago 73. minutuan 1-0ekoa sartu eta gero. Diengek baloia ostu zion Estupiñani, eta Mikel Bueno aise gailendu zen arean. Arrasatek Adrian eta Chimy Avila zelairatu zituen, eta bi minutu geroago iritsi zen banakoa. Atezaina tokiz kanpo zela baliatu zuen Vidalek. Eta, lehia luzapenera joango zela zirudienean, gorritxoen bigarrena egin zuen argentinarrak, indarra eta klasea uztartuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©LA LIGA

«Entrenatzaileak sentitu egin behar du ezarri nahi duen jokatzeko era»

Ainara Arratibel Gascon

Natalia Arroyo lehen hilabeteak ari da egiten Realeko aulkian. Zortzi bat jarri dio taldeak orain arte egindako lanari. Onartu du partidaz partida joatea dela zuhurrena, baina denboraldiko helburuez galdetuta, gora begiratzeko ilusioa dutela berretsi du.
Erik Jaka, garaipena ospatzen, larunbatean. ©ARITZ LOIOLA / FOKU

Sinetsi, eta sinetsarazi

Jon Eskudero

Kasik ez jokatzen hasi, eta, azkenean, buruz buruko finalean da Erik Jaka. Bere nortasunaren eta lanaren fruituak jasotzen ari dela nabarmendu dute Iraitz Olaetxeak, Xabier Tolosak eta Mikel Saizarrek.
Zutik, ezkerretik bosgarrena da Altuna, eta seigarrena, Jaka. Ezkerretik hamargarrena da Xalton Zabala. ©ANDONI CANELLADA / FOKU

Iturriaren emana

J. Eskudero

Amezketako Zazpi Iturri pilota elkartean ibilirik, txikitako lagunak dira Altuna eta Jaka. Eguneroko harreman sendoa dute. Bien entrenatzaile ohi Xalton Zabala, berriz, zerak betetzen du gehien: bi finalistak direla zentzuzko pertsonak eta pilotaren aldeko kontzientzia dutenak.
1 ©ARITZ ARANBURU / EZEZAGUNA

Aurreiritzien gainetik

Julen Etxeberria

Aritz Aranburuk denbora darama kanabidiola edo CBDa erabiltzen. Kalamuaren deribatuetako bat da, eta nekea, mina eta estresa arintzeko balio du. 2018an WADAk legezkotzat jo zuenetik, gero eta gehiago erabiltzen da kirolean. «Epaitu aurretik, ondo informatzeko eta probatzeko eskatuko nuke», aldarrikatu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.