Noiz sortua: 2019-02-02 00:30:00

Gorako bideari eutsi nahian, garaipena dute xede Realak eta Athleticek

Donostiarrak puntu baten aldearekin iritsi dira gaurko euskal derbira. Aritz Elustondok jokatuko duen zalantza izango da Realarentzat
Realeko jokalariak entrenamendu saio batean.
Realeko jokalariak entrenamendu saio batean. JUAN CARLOS RUIZ / FOKU Tamaina handiagoan ikusi

Jon Ander De la Hoz -

2019ko otsailak 2
Garai bateko traza du gaur Donostian jokatuko den euskal derbiak. Aspaldiko partez, Realaren etxean belar usaina aise nabarituko dute zaleek, eta ez harritu euriak zelaia lokazten badu. Derbi grina agerikoa izan da Realaren eta Athleticen arteko partidaren atarian; adierazpenek giroa berotu dute, eta larunbat arratsaldez jokatuko da neurketa. Talde bateko eta besteko zaleak biltzeko ordutegi apropos batean, gainera. Alabaina, festarako gogo gutxi izango da zelaian. Bi taldeak puntu baten aldearekin iritsi dira Anoetako neurketara, eta norgehiagoka garrantzitsua da gorako bilakaeran jarraitzeko.

Aldarte ezberdinarekin hasiko dute neurketa bi taldeek. Txuri-urdinek berdindu egin zuten iragan igandean, etxean, Huesca azken sailkatuaren aurka (0-0). Zuri-gorriek, berriz, azken asteetako bolada onari jarraipena eman zioten Betisi irabazita (1-0). Orain arte egindakoak, baina, ez du balio; hiru puntuak eskuratzen dituena izango da aurretik sailkapenean, eta gertuago ikusiko ditu Europan jokatzeko aukera ematen duten postuak.

Imanol Alguacilek eta Gaizka Garitanok aldaketa gutxi egin dituzte deialdian, eta jokatzeko prest dauden guztiak deitu dituzte. Realean zalantzan dago Aritz Elustondok jokatuko duen, min hartu baitzuen asteazkenean, baina zerrendan sartu du prestatzaile oriotarrak.

Kenan Kodro, prest

Zelaian izan daitekeen beste jokalari bat Kenan Kodro da. Athleticek atzo aurkeztu zuen donostiarra; 2022. urtera arteko kontratua sinatu du zuri-gorriekin. Aurkezpen ekitaldian azaldu zuenez, Garitanoren esanetara «aritzeko prest» dago. Athleticen jokatzea «sari bat» dela esan du Zubietako harrobiko jokalariak.

REALA-ATHLETIC

Reala. Rulli; Zaldua, D. Llorente, H. Moreno, Aihen M.; Zubeldia, Illarramendi, Zurutuza; Januzaj, Oiartzabal eta Willian Jose.

Athletic. Herrerin; Capa, Yerai, Martinez, Berchiche; Beñat, Garcia, Gomez; Cordoba, Munian eta Williams.

Epailea. Mateu Lahoz.

Ordua. 16:15 (Gol TV).

Lekua. Anoeta (28.995 ikusle).

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna