PLAY ETA ENTZUN

Irratiak salba gaitzala

Uxue Razkin -

2020ko azaroak 29

Gaixorik igaro dut aste osoa, ohetik mugitu ezinda. Hori asperdura. Alabaina, probetxua atera nahi nion Euskaraldiko belarriprest txapari eta piztu egin nuen irratia, nire bakardadea hil zedin, une batez, bederen. Orduak eta orduak igaro nituen irratsaio batetik bestera jauzi egiten, ahotsen dekadentzia eta gaien gradazioari kasu egiten. Soinu ezberdinez inguraturik, sentitu nuen nire amak behin xuxurlatu zidana: «Zein atsegina den irratia pizturik istorioak kontatzen dizkizun ahotsak alboan izatea, ezta?».

Hala, istorio ezberdinen bila atera nintzen. Igande gauean, Catalunya Irratiko Crims jarri nuen. Carles Portak zuzentzen duen ordubeteko saio hau True crime modukoa da. Kapitulu bakoitzean, Katalunian jazo den ez-fikziozko istorio misteriotsu bat kontatzen du kazetariak, desagertzeak eta hilketak nagusi.

Irratsaio honetan, zer kontatu baino, are garrantzitsuagoa da nola egiten den, eta Porta horretan maisua da. Istorio jakin horren protagonisten laguntzaz, eraikitzen du narrazio paregabea: batzuetan atzera egiten du eta, entzuleak ez ditzan bidean xehetasunak galdu, une aproposenean laburbiltzen ditu frogak eta susmagarriak. Patricia Highsmithen nobela bat irakurtzea edo Mindhunter ikustea bezain zirraragarria da.

Poesia gehiago irakurtzeko grina piztu zidan Josu Goikoetxeak Faktoria magazinean astelehenean. Jon Benitoren poema bat eta, horren ondotik, Arantxa Urretabizkaiaren bat. Kolpetik literatura-oparia. Ederki girotu zuten irakurketa. Pozgarria da halakoak belarriratzea.

Ahotsez ari naizenez, eta baita poesiaz ere, asteazkenean Arratsean lurreratu nintzen, Arantxa Iturbe eta Mikel Soto idazlearen arteko solasaldian bete-betean. Suak pizten direnean liburuari buruz aritu ziren: Iturbe zorrotz eta hurbil, Soto umil eta zintzo poesiaz, literaturaz, beldurraz, memoriaz eta, oro har, sorkuntzaz. Egiari zor, gonbidatuaren egiazkotasuna izan zen erabateko baltsamoa.

Asteko soinu-bidaia honetan murgildurik, duela urte dezente nire amaren logelatik zetorren frekuentziaren zaratarekin gogoratu naiz. Eta bere azken astea ere gogoratu dut, ospitalean geundela, etxetik irratia eramateko erregutu zidanean. Ulertu dut, azkenean, zergatik nahiago zituen ahotsak isiltasunaren aurrean. Ulertu dut, bai, irratiaren superboterea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritarrek Eibarko Armeria Eskola bete dute Zaldibar Argitu plataformak antolatutako ekitaldian. ©ARITZ LOIOLA / FOKU

Zaldibar, ilunetik argira

Uxue Gutierrez Lorenzo

Zaldibar Argitu plataformak ekitaldi kultural bat antolatu du Zaldibarko luiziaren lehen urteurrenaren atarian. Zenbait arlotako sortzaileak bildu dira elkartasun jaialdian.
 ©MARISOL RAMIREZ / FOKU

«Santurtzitik Bilbora oinez joaten ginena asmakeria da»

Zihara Jainaga Larrinaga

Duela 30 urte inguru, erretiroa hartu zuenean, Santurtzin gelditzen zen azken sardina saltzailea izan zen Martinez. Goizeko ordu txikietan eta kalean egin beharreko lan nekeza izanik ere, etxera jatekoa eramatea izan du helburu nagusia.
Iñigo Odriozola, aste honetan, Azpeitiko Txintxu gozotegian lanean. ©Hitza

Gozo guztiak berdinak ez direlako

Ihintza Elustondo - Gipuzkoako Hitza

Gipuzkoako hainbat gozogilek jendaurrean aurkeztu dute Gozoa elkartea, opilak eskuz eta mimoz sortzen dituztenen lanbidea sustatzeko. Eredu industrialetik desberdintzeaz gain, belaunaldi berrien transmisioa ere bermatu nahi dute.

Netflix plataformako <em>Lupin</em> telesail frantziarra markak hausten ari da. Argazkian, Omar Sy aktore protagonista. ©NETFLIX

Netflixek 203,7 milioi harpidedun ditu, eta gorantz doa

Urtzi Urkizu

2020. urtean, beste 36,5 milioi harpidetza bereganatu ditu plataformak. 2019arekin alderatuz, %47,9 handitu dira enpresaren irabaziak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.