Absoluzioaren eta autodeterminazioaren alde

Buruzagi independentisten aurkako epaiketa hasi zen lehenengo egunean egin bezala, azkenekoan ere hainbat manifestazio egin zituzten Katalunia osoan. Erakunde subiranistek egin zuten deialdia, eta 20:00etan egin zituzten elkarretaratzeak udaletxeen aurrean, Askatasuna, autodeterminazioa eskubide bat da lelopean. Epaituen absoluzioa eskatu zuten Bartzelona hiriburuan (irudian), eta alderdi independentistetako buruzagi nagusi askok parte hartu zuten protesta ekitaldi horretan: Elsa Artadik (JxC), Ernest Maragallek (ERCk), Carles Rierak (CUP)...