Albistea entzun

Astea ondo amaitu nahi dute Realak eta Osasunak, gaur irabazita

Ainara Arratibel Gascon -

2021eko irailak 26

Hiru jardunaldiko astea da hau Espainiako Lehen Mailan. Jokoan izan diren sei puntuetatik lau eskuratu ditu Realak, eta hiru Osasunak. Bada, bi taldeek ondo amaitu nahi dute astea, gaurko partidetan garaipena lortuz. Gorritxoek Mallorcaren zelaian jokatuko dute (14:00, Movistar La Liga); txuri-urdinek, berriz, Elx hartuko dute Anoetan (18:30, Movistar La Liga).

Osasuna emaitza hobeak lortzen ari da etxetik kanpo. Sasoi honetan Sadarretik at jokatu dituen bi neurketak irabazi egin ditu: Cadizen eta Gasteizen. Jagoba Arrasatek, ordea, ez dio garrantzia eman nahi datu horri. «Etxean edo kanpoan izan, gauzei orokorrean erreparatzen diegu. Partidetako momentu onei segida eman behar diegu». Asteazkenean Real Madrilek 6-1 irabazi zion arren, Mallorca talde «ona eta zaila» dela nabarmendu zuen atzoko agerraldian teknikariak. «Aurreko partidetan oso gol gutxi jaso zituen. Gainera, aurkariaren zelaian jokatzea du gustuko, eta korrika egiten uzten badiozu arrisku handia sortzen du». Arrasatek berretsi zuen jakitun zegoela txandakatzeak egin beharko dituela. Baliteke Jose Angel Cote Manu Sanchezen lekuan aritzea, eta Oier Sanjurjo Moncayolarenean.

Realak, berriz, balio handiko garaipena lortu zuen ostegunean Granadan, partida irauliz. Txuri-urdinek bost norgehiagoka daramatzate ligan galdu gabe, eta joko eta emaitza bolada onari eusteko helburuarekin zelairatuko dira Elxen kontra. Imanol Alguacilek arreta osoa gaurko partidan jartzearen garrantzia azpimarratu zuen atzoko agerraldian. «Ezin dugu osteguneko Monakoren aurkako partidan pentsatu. Ondo gaude, baina hau hasi besterik ez da egin. Zaleak etxera harro joatea nahi dugu». Elxen inguruan ere mintzatu zen. «Fisikoki eta taktikoki talde indartsua da. Merezi baino puntu gutxiago ditu». Min hartuta dauden jokalarietatik ez du bakar bat ere berreskuratu Imanolek, eta Alexandre Sorloth gehitu zaie.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Oinatz Bengoetxea Leitzan (Nafarroa), pasa den urrian. ©Idoia Zabaleta / Foku

Oinatz Bengoetxeak pilota profesionala utziko du

Paulo Ostolaza

Baikok iragarri duenez, Iruñean jokatuko du bere azken neurketa urtarrilaren 29an. Ordura arte agurreko lau partida jokatuko ditu. Hemeretzi urte egin ditu profesionaletan.

Athletic argitasunik gabe beste behin

Athletic argitasunik gabe beste behin

Ainara Arratibel Gascon

Zuri-gorriek 0-0 berdindu dute Getafaren zelaian. Lehen zatian jokoaren ekimena izan dute, baina argitasuna falta izan zaie. Bigarren zati kaskarra jokatu dute, ordea. Zazpi jardunaldi daramatzate irabazi gabe.

 ©ARITZ LOIOLA / FOKU

«Txapeldun izateak azken lasterketako arantza ateratzeko balio izan dit»

Unai Ugartemendia

Bi aste besterik ez da igaro Sandra Sevillanok International Skyruning Federationeko Europako Ultra Txapelketa irabazi zuenetik. Portugalgo Pisao Extreme lasterketan izan zen.
 ©BERRIA

Aurrera egiten baino ez daki

Julen Etxeberria

Udan iritsi zen Garziandia Hungariara, Pick Szegedera. «Oso gustura» ari da, eta hura eta taldea oso ondo ari dira: lider dira ligan, eta lehia bete-betean daude Txapeldunen Ligako final-laurdenetarako sailkatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.