«Egile kutsu handia izan arren ikusleek oso ondo hartzen duten zinema defendatu nahi dugu», esan du Borja Crespok, Zinemaldiko irekiera gala zuzenduko duen zinemagileak. Nabarmendu du zinema jaialdietako epaileek eta kritikak ez dituztela oso ondo hartzen film horiek, baina batzuetan egundoko obrak izaten direla. Cayetana Guillen Cuervok eta Loreto Mauleonek aurkeztuko dute ekitaldia, eta, besteak beste, hauek ere parte hartuko dute: Leticia Dolera eta Paul Urkijo zinemagileek, Neil Jordan epaimahai ofizialeko buruak eta Roger Michell eta Sam Neil Blackbird filmeko zuzendari eta aktoreak.
Filmak areto ilunetan eta pantaila handian «distrakziorik gabe» gozatzeko errituala ere goraipatuko dute. Halaber, bi ikusle mota omenduko dituzte inaugurazioan: alde batetik, emanaldiak betetzen dituzten ikusle arruntak; eta, bestetik, kritikariak eta zinema kazetariak.21:00etan hasiko da ekitaldia.
Donostiako Nazioarteko 67. Zinemaldia
Aretoko magia hasiera galan
Borja Crespok zuzenduko du, eta Cayetana Guillen Cuervo eta Loreto Mauleon izango dira aurkezleak. Ikusleak ere omenduko dituzte
Iruzkinak
Ez dago iruzkinik
Ordenatu
