Eusko Jaurlaritzak eta Udalbiltzak bilera izan dute, Jaurlaritzak Gasteizen duen egoitzan. Bileran, amaitu berri duen gogoeta prozesuaren berri eman dio Udalbiltzak Jaurlaritzari, eta abian jarri nahi dituen programak jakinarazi dizkio.
Eusko Jaurlaritzako lehendakari Iñigo Urkullu eta Justizia eta Herri Administrazio sailburu Josu Erkoreka egon dira bileran. Udalbiltzaren aldetik, berriz, hango presidente Luis Intxauspek eta batzorde eragileko kide Haizea Isasak eta Oihan Mendok parte hartu dute bileran.
Udalbiltza 2013an berrantolatu zenetik, erakunde horrek eta Jaurlaritzak egindako estreinako bilera izan da oraingoa. Udalbiltzak aukera baliatu du hurrengo urteetarako lan ildoak gobernuari azaltzeko.
Elkarlanaren beharra
Bilera amaitutakoan, Intxauspekeskerrak eman dizkio Jaurlaritzari harrera egin izanagatik, eta bi erakundeen arteko elkarlana indartzeko beharra nabarmendu du. Era berean, elkarlan hori errazteko «ahaleginean» jarraituko dutela adierazi du Udalbiltzako presidenteak.
Intxauspek gogorarazi du Udalbiltzak «Euskal Herri osoa kohesionatzeko xedea duten egitasmoak» gauzatu nahi dituela, eta, horri begira, erakunde publikoen arteko harreman instituzionala sendotzearen onurak goretsi ditu, «erakundeon arteko saretze lana oso eraginkorra» delako eta «toki eta sektore gehiagotara iristeko» aukera ematen duelako.
Bere egitasmoen berri eman dio Udalbiltzak Jaurlaritzari bilera batean
Erakunde biak estreinako aldiz batzartu dira. Iñigo Urkullu lehendakaria eta Udalbiltzako presidente Luis Intxauspe egon dira bileran, Gasteizen
Iruzkinak
Ez dago iruzkinik
Ordenatu