ENBAXADA BILA

Presidente dibertigarriak

Martxelo Otamendi - BERRIAko zuzendaria

2020ko maiatzak 24

Gobernu bateko presidente bat definitzeko erabil ditzakegun adjektiboen artean badago bat Pedro Sanchez Espainiakoarekin ezin izango duguna erabili: aspergarria. Kazetarioi, Vicent, presidente dibertigarriak gustatzen zaizkigu, profesioa eramangarriagoa egiten laguntzen digutelako. Argudioa mutur batera eramanda, zertaz idatziko genuke haiek gabe. Beste muturrean, presidente serioak, kalkulatzaileak, zurrunak, lauak eta grisak daude. Horiek ez zaizkigu asko gustatzen lumaren sindikatukideoi.

Aste hau izan da arestian izandakoaren adibidea. EH Bildurekin PSOEk eta UPk egindako akordioak aho bete hortz utzi gintuen denok, formagatik eta edukiagatik. Ustekabeko akordio horrek Espainiako dantzaleku politikoaren erdian jarri du EH Bildu, Espainiakoan eta Hego Euskal Herrikoan. PPren garaiko lan erreforma osorik eta oso epe laburrean indargabetzeko konpromisoa hartu zuten hiru alderdiek, EH Bilduk alarma egoera luzatzeko bozketan abstentzioa ematearen truke. Imintzioak imintzio, Sanchezen baiezkoarekin.

Ezker Abertzaleak, oraingoak eta aurrekoak, ez zion inoiz aterako horrenbesteko etekinik abstentzio bati. Luzea da dendako erakusleihoan erakuts ditzakeen harribitxiak. Legearen indargabetzearen eragile izatea, PSOEk gai garrantzitsuetako mintzakide hartzea, Espainiako sektore progresistetan irudia hobetzea, EAJrekin lehiatzea Madrilen baliagarria izateko orduan...

Eusko Legebiltzarrerako uztailaren 12ko hauteskunde kanpaina diseinatu diote asteon PSOEk eta UPk EH Bilduri.

Pozak pobrearen etxean gutxi iraun ez dezan, akordioak balio beharko luke gure herriko herritar asko poztuko lukeen bestelako akordioa ere lortzeko: espetxe politikaren indargabetzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Azkoien, lehengo astean ©

Faltzes eta Funes konfinatzeko neurriak hartu dituzte

Arantxa Iraola

Nafarroako Osasun Departamenduaren erabakia izan da, birusaren intzidentzia datuekin oso kezkatuta baitago.

PCR probak, Gurutzetako ospoitalean. ©Luis Jauregialtzo, FOKU

612 kasu zenbatu dituzte Hegoaldean

Uxue Rey Gorraiz

28 lagun erietxeratu dituzte azken egunean Hego Euskal Herrian. Halaber, koronabirusarekin eri ziren hiru pertsona hil dira egun bakarrean, Nafarroan.

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna