Albistea entzun

ZUZENDARIEN GALEUSCA

Eskuak gora!

Maria Obelleiro - 'Ns Diario'-ko zuzendaria

2022ko martxoak 13

Galiziako langileen erosahalmena behera egiten ari da etengabe azken hamarkadan. Nós Diario-n aste honetan jaso dugunez, unitateko lan kostu erreala negatiboa izan da; 2010etik, ekitaldi guztietan izan da hala, 2018an eta 2019an izan ezik. 2020an, soldatak %5,6 txikitu ziren. Tarte horretan, lan errentak txikitu egin ziren kapital errenten aldean, BPGaren %48 baitziren 2009an, eta %46,4 2020an. Horra, Vicent eta Martxelo, Alberto Nuñez Feijooren politikek ekarri dutenaren erakusgarri argi bat: desberdinkeria areagotu egin da. Horrenbeste, ezen Espainiako Estatuan berdintasunik handiena duten erkidegoetan laugarrena izateari utzi eta desberdinkeriarik handiena dutenetan bederatzigarrena baita orain Galizia.

Tentsio inflazionistak ohikoak izango dira etorkizunean. Argindarra %1.025 garestitu da azken urtean, teknologia hidraulikoak bultzatuta; elektrizitatea sortzeko modurik garestiena izan zen hori martxoaren 8an, gasaren gainetik. Beste horrenbeste gertatu da hidrokarburoekin: gasolina %40,29 garestitu da azken ekitaldian, eta arrantzaren sektorerako gasolio berezien prezioa %58,8 handitu da martxoaren 1aren eta 10aren artean. Prezioen garestitzeak zuzen-zuzenean eragiten dio erosahalmenari: diruak gutxiago balio du kontsumo ondasunak garestiagoak direlako, eta, hortaz, sorgin gurpil bat sortzen da. Hala, egoera hau kanpo eta barne faktore zenbaiti egotzita, multinazional handiak izugarri hobetzen ari dira emaitzak, eta sektore batzuetan inoiz baino irabazi handiagoak izan dituzte. Hala gertatu da enpresa hidroelektrikoetan, esaterako: martxoaren 8ko tarte batzuetan %10.000ko irabaziak izan zituzten, argindarraren prezioak zehazten dituen eredu marginalistari esker, hain zuzen Europako Batasunak 1996an estatu kide guztiei ezarri zien horri esker.

Eta, jokaleku horretan, hainbat enpresa handi ekoizpenean etenaldiak egiten ari direla eta arrantza flota lehorrean geratzekotan dela, Feijoo zeinak txalotu egin baitu Gaztela eta Leongo gobernua ultraeskuinarekin eratu izana telepresidentetzan ari da. Telemedikuntza ezarri eta osasungintzan guardia fisikoak ordezkatzeko eredu birtual bat iragarri ondoren, orain telefono bidezko presidentetzaren alde egin du, hauteskunde kanpaina dela-eta Espainiako Estatuan egiten ari den bira bukatu ahal izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.