Albistea entzun

ZUZENDARIEN GALEUSCA

Familia, negozioak eta alderdia

Maria Obelleiro - 'Ns Diario'-ko zuzendaria

2022ko apirilak 3

Alberto Nuñez Feijoo Espainiako PPkoen presidente izendatu zuten atzo, Sevillako kongresuan. Galiziako agintaria bere alderdiko hainbat baroiren eta, bereziki, Madrilgo presidente Isabel Diaz Ayusoren babesarekin iritsi da kargu horretara. Hain zuzen ere, Pablo Casadok Ayuso familiaren ustezko ustelkeria kasuak argitzeko egindako saialdiaren ondorioz, Casado bera erori egin zen, eta Feijook, aldiz, gora egin zuen.

Lehenagokoak dira Madrilgo agintariaren anaia Tomas Diaz Ayusoren negozioei buruzko zalantzak; Madrilgo Erkidegoko gobernuak onartu zuen hark etekina atera ziola maskara sanitarioen 1,5 milioiko kontratu bati: 283.000 euroko komisioa jaso zuen. Gero, Madrilgo gobernuaren mendeko organoen hainbat adjudikazio berretsi zituen, hala nola ospitale publikoenak; hainbat material eman zizkien, eta horietako batzuek ez zeukaten zer ikusirik osasunarekin.

Galiziara hedatzen da Ayusoren familiari lotutako enpresen jarduna. Ostiral honetan Nòs Diario egunkariak esklusiban argitara eman duenez, Xuntak 298.265 euroko kontratu bat adjudikatu zion Proyectos Hospitalarios Internacional SA enpresari (Prhoinsa), pandemia bete-betean, 2020ko apirilean, eta ez zuten negoziazio prozesuaren berri eman. Juan Carlos Herrero Casasola da enpresa horren administratzaile bakarra, eta Sismedica SM enpresaren sortzaileetako bat; Isabel Diaz Ayuso Sismedica enpresaren %50en jabe da, Madrilgo Erkidegoko parlamenturako egindako azken ondasun aitorpenean adierazi duenez, eta anaia da enpresa horren administratzaile bakarra.

Casasola, gainera, MC Infortecnica SM enpresaren jabea da, eta Ayusoren amarena da enpresa horren kapitalaren zati bat. Eta, anai-arrebei buruz ari garela, PPk ez ditu argitu nahi izan Galiziako gobernuak Eulen enpresarekin egin berri dituen kontratuak; Galiziako gobernuburuaren arreba Micaela Nuñez Feijoo da enpresa horren ordezkaria estatuko iparraldean. Xuntak konpainia horrekin egindako kontratazioak izugarri igo ziren Feijoo presidentetzara iritsi ondoren. Galiziako agintaria eta Madrilgo presidentea, alderdi bereko kide izateaz gain, bat datoz proiektu ideologikoan eta etikari buruz duten kontzeptuan. Batak zein besteak uste dute familia dela garrantzitsuena. Azken finean, negozioak dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.