Albistea entzun

UHINETATIK TIRAKA

Probintzianismoa

Xabier Lasa -

2018ko maiatzak 6

Orgia. Athleticen aurkako orgia kolektiboa bizitu genuen joan den astelehenean Juanjo Lusak gidatzen duen Realaren inguruko tertuliarekin, Onda Vascan. Solaskideak latz, eta moderatzailea, giroa moderatu beharrean, gasolina jaurtiz suari. Terapia emozionalaren ikuspuntutik eduki dezake bere logika denboraldi osoa sufritzen igaro, eta halako batean bozkarioa sentitzea aurkari historikoa jipoitzeagatik. Baina solaskide izatea onartzen duen batek bereizi beharko luke noiz ari den tabernako barran, eta noiz ez. Onda Vascak asko dauka hobetzeko podcastak zintzilikatzearen arloan. Lastima. Bizkaiko entzule ez garenok ez baitakigu Jose Manuel Monjek zer-nolako estiloa darabilen Athletici buruzko tertulian Reala hizpide dutenean. Eta ez dakigu Onda Vascak bedeinkatzen ote dituen bi herrialdeen arteko xextra kutre eta probintzianoa xaxatzen duten esaleak.

Jose Maria Iñigo. Komunikazioaren munduan aurreratu bat izan zela aditu genuen atzo, haren heriotza jakin ostean. Irratigintzan, bere ekarpenen artean, Ingalaterratik Madrilera 40 principales irrati-formula eramatea izan zen. Gertuago etorrita, telebista zein irratirako fitxatu zuen EITBk —euskal kultura zabaltzearen agindua jasoa zuenak—. Radio Euskadin A solas elkarrizketa sakonen tartea egin zuen, Espainian kultura gaztelaniaz ekoizten zuten pertsonaien pasarela bilakatuz. Hilurren zela, gaizki ikusi zuen Eurovisionen ingelesez ez kantatzea; nork bere hizkuntzan eginez gero, «abesbatzen eta dantzen garaira egingo genuke atzera». EITBn aritu zenean, ziurrenik, berak egiten zuena moderno eta mundutartzat edukiko zuen; ETB1eko eta EIko lankideek egiten zutena, ostera, kaxeroen kontu lokalistatzat.

Biktimen aniztasuna. ETAren biktimak izan dira hizpide egunotan, sekula baino gehiago. Eta hedabideek mikrofonoa eskaini diete mintzatzeko, sekula baino gehiago. Horrela, ohartarazi gaituzte badirela ahots, bertsio eta sentiberatasun gehiago biktimen munduan, Maixabel Lasa, Maite Pagazaurtundua eta Gorka Landaburu izen-abizenekoak ez direnak. Egia bada aro soziopolitiko berrian iraganari kritikoki begiratu behar diogula, izan dadila biktimen aniztasuna plazaratzearen mesederako. Aintzat hartu gabe biktima hori gure harikoa den ala ez, titulu deigarri zale den ala ez, eta zein izan zuen biktimarioa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.
 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.