Albistea entzun

UHINETATIK TIRAKA

Koherenteak, 'por supuesto'

Xabier Lasa -

2018ko ekainak 3

Pilotariak, gaztelaniaz. Radio Euskadiko kirol sailekoak koherenteak izan ziren euskararekin historikoki aplikatzen ari diren politika baztertzailearekin, Altuna-Olaizola finalean. Muzin egin zieten bi pilotariek ETB1ko lankideei eskaintzen dizkien euskarazko adierazpenei, hiruzpalau minutukoei. Eta hori gutxi ez, eta ez ziren kapaz izan jasotzeko Altuna txapeldunak pilotalekuko ikusleei egin zizkien esker oneko hiruzpalau hitzak. Ez dira huskeria hiruzpalau hitz edo minutu horiek. Erabateko sinbologia daukate. Pertsonaia publiko erreferentzialek gizartean —eta batik bat gazteengan— daukaten proiekzio eredugarriagatik. Eta zer arraio, EITBko sortze-printzipioek lehentasuna ematen diotelako euskara sustatzeari. EITBko goi esferatan ez ote dago inor printzipio horiek irakurri eta saiatuko dena betearazten?

Sanchezen egitekoa. Hobe izango dugu espektatiba handiegirik ez jartzea Moncloako maizter berri dugun Sanchezekin, latza izan baitaiteke kolpea gainerakoan. Baina sikiera, egingarrien zerrendan, RTVEko albistegi eta tertulien sektarismoa indargabetzea —edo leuntzea—, jarri ahal izango ote dugu... Ikusi besterik ez dago ostegun-ostiraletan, nortzuek osatu zituzten tertuliak telebistetan (La1, La2, Canal 24 Horas) eta RN1 irratian (Los desayunos eta 24 Horas saioak). Gehienetan, lautik lau PPren orbitako iritzi emaileak izan ziren; soilik baten batean suma zitekeen PSOEren ingurukoa. Gehiegi amestea izango ote da aniztunagoa izatea tertulien osaketa? Are gehiago, tarteka, Kataluniako edo Euskal Herriko burujabe zaleen tesiak defendatuko dituen baten bat sumatzea? Espainia luze-zabalean irrati-telebista publikoa kontsumitzen duten herritarren osasun intelektualarentzat kaltegarria ote litzateke España-una-y-libre dogmari aurre egingo dion diskurtsoa eskaintzea?

Niri bost. Jasanezina zait esanera hori; gaia mahai gainean jarri kosk egiteko, eta «niri bost» entzutea solaskide baten ahotik. Atzo azkeneko aldiz izan zen, Jose Juan Ugaldek asteburuko Goiz Kronika saioan Begoña Errazti eta Jexus Mari Mujikarekin osatu zuen solasean. Oker ez banago, tertuliakideei ordaintzen zaie iritzia eman dezaten, gogoeta interesgarriak egin ditzaten, entzuleoi bide hausnartzaileak ireki diezaguten... Guri bost zeintzuk diren beren barruko sentimendu primarioak!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joker liburu dendako postua atzo, Getxoko Santa Eugenia plazan. ©OSKAR MATXIN EDESA / FOKU

Getxo gero eta japoniarragoa

Amaia Igartua Aristondo

Azkenaldian igo egin da mangarekiko interesa, eta Getxoko Komiki Azokako postuetan nabarmena da ildo aldaketa hori. Euskarazko komikiak ere gehiago egin eta saltzen dira.
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.
 ©JAIZKI FONTANEDA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...