Albistea entzun

UHINETATIK TIRAKA

Euskal Herria, kristaletik

Xabier Lasa -

2018ko martxoak 11

Kristalezko sabaia. Irrati entzule gisa pertzepzio pertsonaletik abiatuta, egingo nuke apustu euskarazko irratiak (publikoak, pribatuak, libreak…) inguruko beste hizkuntzetako irratiak baino feminizatuagoak daudela, eta are gehiago, kristalezko sabaiaren logikak gutxiago funtzionatzen duela horietan. Euskal irratietan emakumeen parte hartzea eta protagonismoa aztertuko duen ikerketaren bat azalduko zaigu noizbait, eta orduan baieztatu ala ezeztatuko da zientifikoki oraingoz sentsazioa den hori.

Bakarra kendu. «¡Yo quiero ser, directora de la Ser!» oihukatu zuten emakumeek Madrilgo manifestazioan, Ser katearen egoitzaren parean. Espainiako irrati jeneralisten historian, nekez topatuko dugu zuzendari emakumerik. Nik dakidala, bakarra, Eva Cebrian, orain astebete kargugabetu zuten. Bi urte egin ditu Prisaren menpeko irrati kateen (Los40, M80 Radio, Radiole, Maxima FM eta Cadena Dial) zuzendari gisa. Jakina da negozioa komunikazioaren gainetik dagoela Prisa enporioan, eta bere barrunbeetan aditua behar da izan zehazteko zer gertatu den hor. Kargugabetzea audientzia datu kaskarrek eragin dutela dio bertsio batek; bigarren batek, ordea, ez du uste kasualitatea denik Juan Luis Cebrian zuzendaritza exekutibotik kanpo geratzearekin batera gertatzea bere alabaren defenestrazioa.

Euskal Herria. Kontzeptu hori aspalditxo dago normalduta EIren diskurtsoan. Eta baloratzekoa da nola ari den zabaltzen, kostata, REko esaleen ahotan, nahiz eta oraindik Euskadi eta Navarra ahotan eduki nagusiki. Gero eta erreparo edo izu gutxiago sumatzen zaie Nafarroa gainerako herrialdeekin batzen dituzten albisteak jorratzerakoan, kontzeptuaren atzean konspirazio politikoak ikus ditzaketen Iñaki Anasagasti eta enparauen amorrurako. Kulturaren arloan, batere trabarik gabe erabili izan dute. Kiroletan nabarmen ari da gertatzen, gero eta ohikoago entzutea, esaterako, «Euskal Herrian zortziak direnean jokatuko du Baskoniak Errusian». Albistegietan dauzkate duda-mudarik handienak; «Gamesak Euskal Herrian dauzkan plantak» botako dute lasai asko, baina hortik aurrera, komeriak! Ostiral goizeko albistegi nagusiko tituluan «Euskadiko hiriburuetan» emakumeen manifestazioak aipatu ziren, baina gero albistegia garatzeko orduan, «Euskal Herriko lau hiriburuak» aipatu zizkiguten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aguada Fenixeko indusketa gunea, LIDAR teknologia bidez hartutako irudi batean. / ©Alfonso Bouchot / Wikimedia Commons (CC BY-SA)

Ezkutaturik dauden 478 monumentu aurkitu dituzte Mexikon laser bidez

Jon Ordoñez Garmendia

Oihanak estaltzen dituen lautada artifizial batzuk atzeman ditu zientzialari talde batek, Mexikoko Gobernuak LIDAR teknologiaren bidez hartutako irudiak aztertuz.

 ©MARISOL RAMIREZ / FOKU

«'Kontrol' hitzak adiera ezberdinak ditu armen merkatuaz hitz egitean»

Amaia Ramirez de Okariz Kortabarria

Urteak daramatza Calvok armen salerosketa ikertzen, Delas zentroan. Industria hori kontrolatzea posible den ala ez: galdera hori izango du hizpide Gasteizen bihar emango duen hitzaldian.
Berria Ikasgelaren Tutoriala

BERRIA Ikasgela, egunerokoarekin ikasteko tresna

Mikel P. Ansa

Proiektu berri bat sortu du BERRIA egunkariak: Ikasgela. 12 urtetik aurrerako ikasleekin eskola orduetan lantzeko gaiak proposatuko ditu webgune batean: Berria.eus/ikasgela.

HBO Max plataformak gaur estreinatuko du <em>Todo lo otro</em> telesaila; Abril Zamorak sortu du. ©HBO MAX

HBO Max gaurtik martxan da Hego Euskal Herrian, eduki berriekin

Urtzi Urkizu

Plataforman HBO, Max Originals, Warner Bros, DC eta Cartoon Networkeko edukiak daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.