Albistea entzun

Maddi Oihenart. Abeslaria

«Askotan aritzen naiz oihanean bakarrik kantari»

Joxemi Saizar -

2020ko uztailak 26

Oraingoz, Urmugako hiru emanalditan hartu du parte Maddi Oihenart kantari zuberotarrak: Dima, Urbia eta Aizpearro. Bakarka, bere taldearen laguntzaz, Et Incarnatus orkestrarekin eta beste zenbait abeslarirekin.

Nola sortu zitzaizun Urmugan parte hartzeko aukera?

Urteetan aritu naiz hauei eta beste batzuei esanez mendian egin behar ditugula kontzertuak. Proiektu hau horixe da, eta gonbidapena jaso nuenean oso pozik onartu nuen.

Zergatik mendian?

Gustatzen zait mendia. Zoragarria da: mendia, musika eta jendea. Elkarrekiko gauza bat da.

Baltzolan aritu zinen lehenbizi. Zer iruditu zitzaizun kontzertua?

Oso ederra. Argi oso polita zegoen, eguraldi oso ona, jendea lasai- lasai eserita. Orkestra hasi zenean, bakoitzaren buruan argia sortzen zela ematen zuen. Oso hunkigarria eta pozgarria izan zen.

Eta Urbiakoa?

Haizea lagun izan genuen. Desberdina izan zen, nire errepertorioa, ohiko musikariekin...

Aizpearron ere abestu zenuen.

Toki ederra iruditu zitzaidan. Bakarrik kantatzeaz gain, lehendik ezagunak nituen Xendarineko Ahizpekin kantatzeko aukera izan nuen.

Lehendik ere mendian kantatu izan al duzu?

Aspaldi hasi ginen Zuberoan horrelako jaialdiak antolatzen. Eta gure hastapeneko lagunekin diskoak ere grabatu genituen mendian, Arbailetan. Ibilaldiak antolatzea gustatzen zitzaigun, hitzaldiak eta kantaldiak zituztenak.

Tolosan ere izan zara, Et Incarnatus orkestrak Urkizun antolatzen duen solstizio kontzertuan.

Bai, izan naiz. Ederra da.

Mendian gustura aritzen zara, beraz.

Bai, askotan emanaldirik ez dagoenean, bidexka bat hartzen dut eta oihanean kantatzen dut bakarrik, etxe inguruan. Gauza bakoitzak hartzen du zerbait eta kantua ez da bakarrik kantariaren gauza, bere inguruarena ere bai: une horretan izadiak zer erantzun ematen dizun eta nolako elkarrizketa den.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...