Ekonomiak nozituko duen kolpe latza arintzeko, Espainiako Gobernuak eta Frantziako Gobernuak hainbat neurri iragarri zituzten atzo. Horietatik zenbaitek ez dute eraginik izango Euskal Herrian, hala nola Pedro Sanchezek enpresa txiki eta ertainentzat iragarritako sei hilabeteko zerga moratoriak. Aldiz, eragina izan dezake turismoan eta hari lotutako merkataritzan eta ostalaritzan diharduten langile finko etendunentzako neurriak: haien Gizarte Segurantzarako hobariak handitu egingo dira, aurtengo otsailetik ekainera bitarteko kontratuetan.
Finko etendunak babesteko eskaria jada adostuta zeukaten Espainiako sindikatu nagusiek eta patronalak. Baina Sanchezen gobernuak ez du aintzat hartu, oraingoz, haiek adostutako beste eskari bat. Sindikatuek eta patronalek behin-behineko enplegu erregulazioko espedienteen araudi berria nahi dute, besteak beste, koronabirusa halako espedienteetarako arrazoi bat izan ahal dadin. Dena den, posible da enplegu erregulazioen inguruko neurriak hurrengo egunetan iristea.
Pedro Sanchezek eta Emmanuel Macronek, biek ala biek esan dute neurri gehiago etorriko direla. Errepublikako presidenteak azaldu zuen datozen egunetan langabezia partzialerako mekanismo bereziak jarriko direla abian; etxean gelditzera behartutako langileentzat ordaina izango dela; eta autonomoak babesteko konpromisoa duela.
Koronabirusa
Enpresak eta enpleguak babesteko neurriak Madrildik eta Paristik
Iruzkinak
Ez dago iruzkinik
Ordenatu