Albistea entzun

GASTEIZKO JAIAK

Erasoei aurre egiteko protokoloak, martxan

Hiru eragilek protokolo bana aktibatu dute Gasteizko jaietarako. Mugimendu Feministak manifestazio bat egingo du gaur gauerdian
Gasteizko Mugimendu Feministak eskura jarri duen telefono zenbakia.
Gasteizko Mugimendu Feministak eskura jarri duen telefono zenbakia. MUGIMENDU FEMINISTA Tamaina handiagoan ikusi

Eider Etxeberria Soria -

2022ko abuztuak 4 - Gasteiz

Jaietan, indarkeria matxista areagotu egiten da, eta, herritarrak babesteko, Gasteizko Udalak, Mugimendu Feministak eta Blusa eta Nesken Batzordeak eraso horien aurkako protokoloak abiatu dituzte. Hiru eragileek jo dute beharrezkotzat protokoloak abiatzea, zer egin eta nola erantzun jakiteko.

Gasteizko Mugimendu Feministak salatu du eraso eta jazarpenez gain «intentsitate ezberdinetako» beste indarkeria batzuk ere gertatzen direla, «aisialdiaren ikuskera androzentrikoa» eta «oholtzetako bazterkeria», kasurako. Hiru helbururekin aktibatu dute protokoloa: gizartean kontzientzia zabaltzeko, eta guztiek bere gain hartzeko erasoei erantzuteko ardura eta konpromisoa; erasoei erantzuteko, ikuspegi feminista duten neurriak martxan jarriz; eta emakume eta sexu disidentziako kideak «subjektu aktibo» bilakatzeko, autodefentsa feminista aldarrikatuz. Telefono zenbaki bat izango dute (747-41 48 34), eta, erasoak publikoki salatzeko, elkarretaratzera deituko dute erasoa gertatu eta hurrengo egunean; kasu bakoitza aztertuta. Protokolo hori hainbat gunek izango dute: txosnaguneak, Aihotz plazak eta alde zaharreko zenbait tabernak. Ziztadei dagokienez, gogora ekarri dute sexu erasoak edo lapurretak egiteko baliatzeaz gain «beldurra zabaltzeko» baliatzen dituztela.

Itaia taldeak, berriz, emakumeak etxera joateko laguntza antolatu du: bihar, etzi eta igandean, Andre Maria Zuriaren plazan zita jarri dute, 03:00etan, etxerako bidea taldean egiteko, erasoen aurkako prebentzio gisa

Gasteizko Udalak urte osoko protokoloa martxan du, bestalde. Eeraso matxista bat jasan dutenek udaltzaingora jo dezake, edo udalaren Gizarte Larrialdietarako Zerbitzura deitu (945-13 44 44); Ikusgune LGTBI kolektiboaren behatokiaren telefonoak ere eskuragarri egongo dira: 925-28 22 66 eta 633 30 96 53. Bestalde, Online edota offline libre izan nonahi! izeneko kanpaina abiatu dute, ziberindarkeria saihesteko. Sentsibilizaziorako eta prebentziorako guneak jarriko dituzte Posta eta Independentzia kaleen arteko bidegurutzean. Blusa eta Nesken Federazioak bat egin du udalak ezarritako protokoloarekin: udalak protokoloa aktibatzean, federazioak ere hala egingo du, eta eraso bat egonez gero, ekitaldi guztietan hamabost minutuko protesta bat egingo dute.

Neska eta Blusen neurriak

Blusa eta Nesken Batzordeak, berriz, aurten ez du telefono propiorik izango. Enara Berganzo batzordeko protokoloaren lantaldeko kidearen arabera, aldatu egin dute aurreko urteetako protokoloa: «oso teknikoa» zela argudiatuta, praktikan zer egin azaltzen dituzten puntuei eman diete garrantzia. Erasoa jasan duena «lasaitzea, laguntza eskaintzea eta akonpainamendua egitea» izango da lehen pausoa, eta, ondoren, egoera kudeatuko dute. Kuadrilla bakoitzean egoera horiek lantzeko formakuntzak jaso dituzten lagun bat edo bi daude. Erasoa jasan duenak aukera izango du horiei laguntza eskatzeko, edota udalera, mugimendu feministara edo udaltzaingora jotzeko, nahiaren arabera. Berganzok azaldu du «laguntza mota guztiak» bermatuko zaizkiola erasoa jasan duenari.

Bestetik, Mugimendu Feministak manifestazio bat antolatu du gaurko. Beldurrak gurekin jai lelopean, Buruileria plazatik abiatuko dira gauerdian, euren mezua zabaltzeko eta erasorik gabeko jai osasuntsuak aldarrikatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Entsalada berezien bila

Entsalada berezien bila

Berria

Hamaika errezeta eta hamaika modu dauden arren, otordu osasuntsuak prestatzeko plater egokiak dira entsaladak. Epelak zein hotzak, askotariko osagaiekin egin daitezke. Entsaladak egiteko zenbait ideia plazaratu dituzte Iruñeko Catachu, Gasteizko La Riojana, Donostiako Sutan Dago eta Gasteizko Black Salad jatetxeek.

 ©GOTZON ARANBURU / FOKU

«Auto elektrikora jo behar dugu»

Jakes Goikoetxea

Asko hitz egiten da energia motei buruz, baina gutxiago energia mota horien kudeaketa praktikoaz, hau da, modu eraginkorragoan erabiltzeko bideez. Saez de Ibarrak kudeaketa moduak ikertzen ditu.
Algortako Antzarrak kuadrilla, Jai Batzordearen tabernako botilak lekualdatu bitartean, jolasten, 1975. urtean. ©ANTZARRAK

Kalimotxoa, nazioarteko edari

Iraia Vieira Gil

50 urte dira Antzarrak kuadrillak kalimotxoa sortu zuela, Algortako Portu Zaharreko jaietan. Egindakoa eskertzeko, omenaldi bat egingo diete abuztuaren 12an, Getxon.
Araitz Katarain, Janire Arrizabalaga eta Izaro Bilbao, Lokatz Loreak taldeko partaideak. ©BESTEAK

Bertsolaritzaren alderik frikiena

Iraia Irazusta Mujika

Lokatz Loreak sormen taldeak 'Bertso saio frikiak' antolatu ditu. Abuztuan eta Irailean egingo dituzte Bizkaiko gaztetxeetan, eta etzi izango da lehenengoa, Zornotzan, Harry Potterri buruz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...