Albistea entzun
Emakumeen aurkako indarkeriari ez
Emakumeen aurkako indarkeriari ez

Sanferminak Iruñean. ERRESPETU INSTITUZIONALETIK

Eta laugarren zezenarekin, Batman

Ion Orzaiz -

2018ko uztailak 12

Batmanez mozorrotzea ideia txarra izan da. Zezen plazako eguzkipeko harmailetan, izerditan egosten ari da jantzi horren barruan, eta maskara beltzarekin apenas lortzen duen arnasa hartzerik. Infernua. Baina itxoin. Badator merendua. Paella eta haragi bolak. Denak ari dira matrailezurra mugitzen. Gora eta behera. Ñam, ñam. Merkealdiko Batman ere saiatu da paella koilarakada bat ahoratzen, baina maskararekin akordatu ez, eta arroz guztia erori zaio. «Zakurraren putza!». Mozorroa kentzea erabaki du, merendua ganoraz hartzeko. Eta orduantxe ikusi du: han, plazaren erdian, zezen bat. Odoletan. Ezpata baten eskutokia ageri zaio bizkarraldetik, eta zintzilik darama banderilla sorta. Ziplo erori da lurrera, hilik. Harmailetan txaloka hasi dira, toreatzailearen balentriarekin pozik. Peñakideak ezin du sinetsi. «Zer da hau?», galdetu du. «Eee? Bada, zezenketa, motel!», erantzun dio lagunak. Harentzat, ordea, horrelako basakeria bat ikusten duen lehen aldia da. «Urteak daramatzagu hona etortzen. Hau al zen?». Eta albokoak: «Bai, denbora honetan guztian ez zenion hor behean gertatzen ari zenari erreparatu?». Bada, ez. Beti harmailetara begira egon zen. Jaten, edaten eta Concha Velascoren No te quieres enterar abesten, hondarrari bizkarra emanez. Altxatu da. «Goazen hemendik, lagunok! Utz dezagun ikuskizun nazkagarri hau, errespetu instituzionalaren izenean!». Zurrakapoteko izotz puskak bota dizkiote, txistuka. Baina Batmani bost. Maskara jantzi, eta alde egin du. Hurrengo urteko sanferminetan, gauza bera egin dute beste hainbatek. Eta, horrela, urtez urte, plaza hutsik gelditu den arte. Eta festa ez da bukatu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...