Albistea entzun

World Tourra bihar abiatuko da, ohiko lehiak jokatuko diren itxaropenez

Ikusteko dago Euskal Herriko Itzulia eta Donostiako Klasikoa jokatuko diren. 11 euskal ziklista ariko dira maila gorenean

Eñaut Agirrebengoa -

2021eko otsailak 20

Hilabeteko atzerapenarekin hasiko da World Tourra, bihar, Arabiar Emirerri Batuetako Itzulian. Normalean, Australian abiatzen da, baina aurten ez dira jokatu hango lasterketak, pandemia dela eta: Down Under Tourra eta Ocean Race. Bestela, maila nagusiko egutegiak ohiko itxura izango du, hasieran behintzat. Maiatzera arte, klasiko nagusi gehienak jokatuko dira: Milan-Sanremo izango da lehena, eta gero, harbideetako probak eta Ardenetako hirukoa iritsiko dira. Astebeteko lasterketek ere piztuko dute ikusmina denboraldiaren lehen zatian.

Ondoren, itzuli handien txanda helduko litzateke. Ondo bidean, ohiko ordenan jokatuko dira: lehenik, Italiako Giroa; gero, Frantziako Tourra —ohi baino lehenago bukatuko da, Olinpiar Jokoekin bat ez egiteko—, eta, azkenik, Espainiako Vuelta. Horietan, berritasuna da proba horien antolatzaileek gonbidapen bat gehiago eman ahal izan dutela; hala, World Tourreko hemeretzi taldeez gain, Kontinental Mailako iazko talderik onenak (Alpecin) eta antolatzaileek aukeraturiko hiru taldek hartuko dute parte. Vueltarako gonbidapena lortu dute Caja Ruralek eta Euskaltel-Euskadik; ez, ordea, Kern Pharmak. Sasoiari Munduko Txapelketak eta Lombardiako Giroak jarriko liokete ginga.

Ikusteko dago Euskal Herriko Itzulia eta Donostiako Klasikoa jokatuko diren, iaz bertan behera gelditu ondoren. Euskal egutegia Miguel Indurain Sariak (apirilak 3), Zornotzako klasikoak (apirilak 11), Ordiziako klasikoak (uztailak 25) eta Getxoko Zirkuituak (abuztuak 1) osatuko lukete. Gainera, 11 euskal herritar lehiatuko dira World Tourreko taldeetan: Omar Fraile, Ion eta Gorka Izagirre, Oscar Rodriguez eta Alex Aranburu (Astana); Mikel Landa eta Pello Bilbao (Bahrain); Imanol Erbiti eta Iñigo Elosegi (Movistar); Jonathan Castroviejo (Ineos), eta Mikel Nieve (Bike Exchange).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Buruz burukoan parte hartuko duten hamabi pilotariak, gaur, Donostiako Kursaal jauregian egindako aurkezpenean. ©Jagoba Manterola / Foku

Kolore gorria falta izan da

Julen Etxeberria

Erik Jakaren hutsunea oso presente izan da Banakako Txapelketaren aurkezpenean. Ostiral honetan hasiko da, Azkoitian, eta ekainaren 13an jokatuko dute finala, Bilbon. "Oso zail" ikusten dute frontoian ikusleak egotea.

Luis Rioja eta Joselu, Alavesen atzoko bi golegileak, ospakizun betean, Elxen. ©MANUEL LORENZO / EFE

Mailari eusteko urrats handia

Aitor Manterola Garate

Alavesek garaipen oso garrantzitsua lortu du Elx zuzeneko aurkariaren kontra, eta bost puntura urrundu da jaitsieratik, behin-behinean, bi partida falta direla. Joselu eta Luis Rioja izan dira golegileak

Erik Jaka, haserre, Binakako Txapelketako partida batean. ©GORKA RUBIO / FOKU

Txapelduna faltako da

Julen Etxeberria

Erik Jaka perikarditisak jota dago, eta lau eta zortzi aste bitartean beharko ditu osatzeko. Beraz, ezingo dio eutsi iaz irabazitako buruz buruko txapelari

Robin Le Normand, Luis Suarezekin lehian, Realak eta Atletico Madrilek denboraldi honetan Anoetan jokatutako partidan. ©JUAN HERRERO / EFE

Eskutik da, eta hordago joko du

Jon Ander De la Hoz

Realak Atletico Madrilen zelaian jokatuko du gaur. Ustez, geratzen zaizkion hiru partidetatik zailena da. Irabaziz gero, ondo bideratuko du bosgarren postua eskuratzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.