Albistea entzun

FREKUENTZIAREN GERIZPEAN

Biribilguneak

Mirari Martiarena Iraola -

2021eko maiatzak 30

Joseba Sarrionandia 40 urteren ondoren Euskal Herrira itzulitakoan egin zioten elkarrizketan aipatu zuen zeuden biribilgune pilak harritu zutela. Gainontzekooi grazia egin zigun, baina egia da, zerbait ugaritu baldin bada gure inguruan azken urteetan, biribilguneak izan dira. Alferrik egindako biribilguneak, baina modan daude eta konturatu gabe errepideko boterea eman diegu. Nahiz eta inork ez dituen ongi hartzen gidatzerako orduan eta ziurgabetasuna sortzen diguten. Eta horixe da KKinzona irratiko saioetako baten abiapuntua biribilguneak eta ziurgabetasuna. Non hasiko diren jakin arren, ez dakitelako saioa non bukatuko duten Botere Guztia Biribilbuneei-ko lagunek. Mikrofono aurrean aritzen dira Baintha Brakk, Maialen, Koxmox eta Tasio. Nahiz eta lehenago Baintha Brakken ordez Oxkar aritzen zen, baina istripu batek ekarri zuen aldaketa. Ze istripu izan zuten jakiteko, saioak entzun behar. Euren arabera: azaletik jarduteko asmoz betiere, mintzagai eta ideia harrigarrietara iristeko ahalmena dute. Saio batzuk entzunda hau da ondorioa: eskerrak azaletik jarduteko asmoa duten. Ideia eta gai batzuk azaletik joaten dira, baina beste batzuetan beraiek pentsatzen dutena baino sakonago aritzen dira. Eta bai, ideia harrigarrietara edo lotura absurdoenetara iristeko ahalmena dute. Ez dira politikoki zuzenak, pentsatzen dutena esaten dute filtrorik gabe. Eta askok beldurragatik ahoz gora esango ez lituzketenak ere esaten dituzte, Idiazabal gazta sobrebaloratuta dagoela, adibidez.

Elkarri pilota botaz aritzen direla esan eta horrek eramaten ditu pilota partiduetako emankizunei buruz hitz egitera. Nahiz eta euren gai ordenan horri buruzko ezer idatzirik ez izan. Politikaz hitz egin baino nahiago dute odolki eta mondejuei buruz eztabaidatu. Edo mamia azukrea botatakoan nahastea onartu behar den edo ez. Horiek direlako bizitzako gai inportanteak. Batzuetan isilik geratzen dira, baina badakite isiltasun horri buelta ematen. Euzkitzek pilota partidetan isiltasunaren ondoren «Rezustak zazpitik» esaten duen modu berean.

Bizitza biribilgune bat da edo biribilguneei boterea eman diegun bizitza dugu. Ez dakigu mundua noiz bukatuko den, baina Euskal Herriaren bukaera iragarri dute Botere guztia biribilguneei saiokoek: jendea «Ayer subi al Txindo» esaten hasten denean iritsiko omen da. Hau ere gehituko nioke: orduan edo Euskal Herri osoan ordu berean bazkaltzen hasten garen egunean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Juan Beistegi oso zintzoa zen bere buruarekin eta besteekin»

Jakes Goikoetxea

Altxor bat izan du esku artean: Juan Beistegi komandantearen memoriak, 1936ko gerran oinarrituak. Kontaketa soila, baina oso aberatsa.
Jose Otanoren bizi-heriotzen argitaratzaile Josu Aldai, Hernaniko hilerriko kriptan. ©ZALDI ERO

Oroitzapena eta Gorazarrea

Miel A. Elustondo

Elizgizon klaretarra zen Jose Otano Miqueliz nafarra. 1936ko urriaren 23an fusilatu zuten Hernanin, hainbat apaiz abertzalerekin bateratsu. Laurogeitaka urte geroago, kongregaziokidearen urratsak berregin ditu Josu Aldai Otxoa de Olanok (Agurain, 1944), Lergan hasi eta Hernaniko kripta izugarriraino.
<em>3 Ene kantak</em> saioko aurkezle eta pertsonaiak. ETB1en eta ETB3n ematen dute. ©ETB

Ene Kantak taldekoek marrazki berriak eskatu dituzte ETBrako

Urtzi Urkizu

Ene Kantak-ek bat egin du Pantailak Euskaraz egitasmoarekin. Babes handia jaso du egitasmoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.