Albistea entzun

ZUZENDARIEN GALEUSCA

'Procés'-a lurperatu egin dute

Vicent Partal - 'Vilaweb'-eko zuzendaria

2022ko maiatzak 29

Aste honetan Kataluniako politikaren ziklo baten bukaera ikusi dugu: ERC eta Junts alderdiek hizkuntzari buruz PSC eta Comukoekin sinatutako itunak amaiera eman dio etapa bati. Uste dut nahikoa dela ikusaraztea sindikalismo nazional osoa eta hizkuntzaren aldeko elkarte guztiak hitzarmen horren aurka daudela, eta, beraz, itun horren ondorioz katalanak eskoletan izango duen egoeraren kontra ere bai. Soilik Omniun dago gobernuaren alde —egunetik egunera lehengo Omniumen antz gutxiago du—.

Horren gainetik, ordea, uste dut adierazgarria dela ERCk eta Juntsek eman duten pauso esanguratsu hori, batasun independentista hautsi baitute, eta bloke politikoak banandu.

2012. urteaz geroztik, Kataluniako Parlamentuan batera joan dira beti Convergencia, PDeCAT, Junts, ERC eta CUP, Espainiako alderdietatik bereizita. Desadostasunak izan dituzte, eztabaida ezin sutsuagoak ere bai batzuetan, baina beti marraztu dute bereizketa lerro argi bat Kataluniarentzat estatu independente bat nahi zutenen eta nahi ez zutenen artean.

Eta horixe hautsi da orain. ERCk eta Juntsek hautsi dute, CUPetik bereizi baitira, eta PSCrekin elkartu. Zapateroren ahotik katalanei gezurra esan zien PSC horrekin elkartu dira, hitzeman baitzien Madrilen onartu egingo zutela Kataluniako Parlamentuak bidalitako estatutua. PSC horrek, Montillaren bitartez, Maragall presidentea baztertu zuen, eta haren estatutua txikitu. PSC horrek, 2017ko iraileko egun historikoen ondoren, eztabaida politikoa kriminalizatu zuen Espainiako Auzitegi Konstituzionalera joz, Kataluniak frankismoa legez amaiarazi zuenean parlamentuan. PSC horrek laguntza ezinbestekoa eman zuen bai 155. artikulua onartzeko, bai Kataluniako gobernu erdia espetxeratzeko eta beste erdia erbesteratzeko —PP ez zen ausartuko hori bakarrik egitera—. Azken finean, PSC horrek espiatu ditu Pegasusekin independentista katalanak, eta PSC horrek jaso ditu Pedro Sanchezen txaloak parlamentuan, aste honetan bertan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.