Emakumeen Bira. SEKRETURIK GABE

Atseden hartzeak duen garrantzia

Ane Santesteban - WNT-Rotor taldeko txirrindularia

2019ko maiatzak 24

Ibilbidea ezagutzen nuen, eta, espero bezala, oso gogorra izan zen atzoko etapa. Ez zen atseden hartzeko tarterik egon egun osoan, ibilbideak etengabe egin zuelako gora eta behera. Horrek min handia egiten digu oinetan; sufritu egiten dugu, eta nabaritu da etapa amaieran genituen aurpegietan. Hori dela eta, gaur eta bihar datozkigun etapetarako funtsezkoak dira atsedena eta ondo errekuperatzea. Oso garrantzitsua da hotelera garaiz iritsi, masaje on bat hartu eta goiz xamar ohera joatea. Ondo zaindu behar da hori, entrenatzea bezain garrantzitsua baitira atsedena eta errekuperazioa. Nik ez dut arazorik izaten lo egiteko, baina egia da etapak arratsaldean direnean gehiago kostatzen zaidala lokartzea.

Atzoko etapan Spratt oso indartsu ikusi nuen, erraz ibili zen. Oso zaila iruditzen zait inork itzal egitea. Gainera, ikaragarrizko taldea du inguruan. Atzokoan Van Vleuten eta Kennedy hari laguntzen aritu ziren. Baina gaurko eta biharko etapari begiratzeko momentua da. Oso etapa gogorrak izango dira, are gehiago kontuan hartuta eguraldi aurreikuspena txarra dela. Euria espero da. Gaur bi igoera oso gogor ditugu: Opakuara, eta Santa Teodosiako ermitara. Opakua oso mendate gogorra da, eta azken igoerari begira min egin dezake, indarrak behar bezala kudeatu ezean. Argi ibili beharko dugu hor.

Azken etapa, dena den, gogorragoa da. Duela aste batzuk egongo nintzen ikuskatzen. Etapa oso luzea da: 156 kilometro ditu, eta, azken eguna izanda, neke asko izango dugu pilatuta. Gainera, hainbat mendate igo beharko ditugu, eta azkena, San Asentzio, aldea markatzeko modukoa da. Baina, esan bezala, zail ikusten dut norbaitek Spratti min egitea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Baionako ostatu bat, uztailean. ©Bob Edme

Ostatuak 22:00etan itxi beharko dituzte Ipar Euskal Herrian

Maddi Ane Txoperena Iribarren

Eric Spitz Pirinio Atlantikoetako prefetak neurri berriak iragarri ditu. Ostatuek ezinen dute eramateko alkoholik saldu 22:00etatik aitzina, eta karrikan ezinen da alkoholik edan 22:00etatik 08:00etara. Bezeroen erregistro bat egin beharko dute ostalariek. Ortzegunean jarriko dituzte neurriak indarrean, hamabortz egunerako, gutienez.

Bilboko taberna bat, edukiera murriztuta. ©Jaizki Fontaneda / Foku

Ostalarientzako diru laguntzak eskatu ditu EH Bilduk

Erredakzioa

Sektorea erreskatatzeko plan bat aurkeztu du koalizioak: Eusko Legebiltzarreko osoko bilkurara eramango du.

Ostalariek protesta egin dute gaur Nafarroako Gobernuaren aurrean. ©IÑIGO URIZ / FOKU

Nafarroako ostalariak, itxieraren kontra: «Sektorea kriminalizatzen ari dira»

Ion Orzaiz

Tabernak eta jatetxeak «seguruak» direla adierazi du Nafarroako Ostalaritza eta Turismo Elkarteak. Elkarretaratzeak eginen dituzte ostegunetik aurrera

Udal langileak Azkoienen, kalea garbitzen. / ©Idoia Zabaleta, Foku

Gipuzkoak 100.000 biztanleko 500 positiboren langa gainditu du

Arantxa Iraola-Irati Urdalleta Lete

Hego Euskal Herrian egin dituzten testen %9,2k eman zuten atzo positibo. Eusko Jaurlaritzak ez du «ezer» baztertzen, baina, oraingoz, konfinamenduak eta etxeratze agindua ez daude mahai gainean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna