Kirolbet Baskonia 85-96 Real Madril

Saiatu da, baina...

Baskoniak ezin izan dio eutsi Real Madrilen erritmoari, eta ACBko finala galdu du (1-3). Sasoia bukatu da Gasteizko taldearentzat
Tornike Xengelia uztaitik eskegita eta atzera begira, saskia birrintzeko saiakera bat huts egin ondoren.
Tornike Xengelia uztaitik eskegita eta atzera begira, saskia birrintzeko saiakera bat huts egin ondoren. JUANAN RUIZ / FOKU

Imanol Magro Eizmendi -

2018ko ekainak 20

Kirolbet Baskonia. Vildoza (2), Beaubois (19), Timma (7), Xengelia (16), Poirier (4)— Huertas (8), Granger (6), Janning (15), Garino (2), Voigtmann (2) eta Diop (4).

Real Madril. Campazzo (17), Carrol (6), Taylor (2), Reyes (6), Tavares —hasierako bostekoa—Llull (5), Doncic (8), Causeur (6), Fernandez (27), Ayon (14) eta Thompkins (5).

Markagailua. 21-18, 38-42 (atsedenaldian); 57-65 eta 85-96.

Epaileak. Perez Pizarro, Conde eta Jimenez. Ez zuten inor kanporatu faltengatik.

Bestelakoak. 14.448 ikusle Buesa Arenan. Fernandez real Madrilekoak jaso zuen finaleko jokalari onenaren saria.

Buesa Arenako pabilioiko argiak triste itzali ziren bart. Zale eta jokalariek atsekabetuta hustu zuten Zurbaoko tenplua, eta urrira arte isilik egongo da. Atsekabetuta bai, baina ez burumakur, taldeak eginiko denboraldia burua oso tente izanda gogoratzeko modua izan baita, eta zaleek txaloekin eskertu zuten atzo jokalarien jarduna. Txapelketa guztietan oso lehiakorra izan da, eta ACB ligako finalean oso estu hartu du Euroligako txapelduna. Estu hartu bai, baina ezin izan du haren erritmoa jarraitu. Bere onena eman du, baina une erabakigarrietan, eta azken laurdenetan bereziki, Real Madril hobea izan da. Kalitate eta talentuari dagokionez koska bat gorago dago Pablo Lasoren taldea.

Pedro Martinez pertsona argia da, eta partida bukatu berritan, oraindik ere pistan, analisi zehatza egin zuen. «Real Madril merezita izan da txapeldun. Oso harro nago nire taldeak eginiko lanarengatik, baina partida bakoitzean jokalari erabakigarri bat izan dute. Guk egin dugun denboraldia oinarri egokia da lanean jarraitzeko». Alegia, ezustekorik ezean berak jarraituko du entrenatzaile postuan, eta berak gidatuko du taldea Euroligako Lauko Finala Gasteizen jokatuko den sasoi itxaropentsuan.

Finaleko serieko azken partida kanporaketa osoaren laburpena izan zen, eta azken laurdeneko jokaldi bat lagin perfektua. Baskonia 11 puntugatik galtzen joan zen azken laurdenean, baina Beauboisek gidatutako erreakzioari esker hiru puntura jarri zen: 78-81. 2.39 falta zen partida bukatzeko, eta zaleek hauspotuta, Gasteizko taldeak oso defentsa ona egin zuen. Jabetzako azken segundoan, baina, Doncicek jaso zuen baloia, eta hirukoa bota zuen esku bakarrez, oin bakarraren gainean eta azken hamarrenekoan. Jokaldia telebistan ikusita, denboraz kanpo ere izan zitekeen jaurtiketa. Bada hori ere sartu egin zuen Real Madrilek, eta hori izan zen Baskonia jota utzi zuen ukabilkada. Utzikeriaren minutuetan etxekoek azken txanpari emozioa jartzeko aukera izan zuten, baina Janningek eta Beauboisek jaurtiketa errazak huts egin zituzten. Atzokoan, ustekabekoa ezinezkoa izan zen.

Ordura arteko 37 minutuak jazarpen proba izan ziren Baskoniarentzat. Lehen laurdena aurretik bukatu ondoren, Real Madrilek partida irauli zuen bigarrenean. Ez ziren izan alde handiak, baina Baskoniak ez zuen aurretik jartzerik lortu une batean ere. Erasoan ez zen gaizki ibili: Janningek (15 puntu), Beuboisek (19) eta Xengeliak (16) ondo eutsi zioten, baina beste arlo batzuetan egin zuen huts. Baloi asko galdu zituen, hamahiru guztira, eta Real Madrilek baino 11 errebote gutxiago hartu zituen. Horri Rudy Fernandez beteranoak eginiko partida gehitu behar zaio. 27 puntu sartu zituen, hamazazpi bigarren laurdenean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Azkoien izan zen halako neurriak hartu zituzten lehen herria. ©Idoia Zabaleta / Foku

San Adrianen murrizketak ezarriko dituzte, bihar gauerditik aurrera

Joxerra Senar

Beste hiru herritan aurretik egin bezala, mugimendua mugatu egingo da eta saltokietan zein ostatuetan edukiera erdira murriztuko da. Ostatuek 22:00etarako itxi beharko dute.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna